هذا أحبه... وهذا أتزوجه

أنا واقعة في حيرة كبيرة أوي أنا مرتبطة بواحد ومن فترة ظهر حبيبي الأولاني أول حب لي، كنا بنحب بعض أوي، وعشنا مع بعض 3 سنين أو أكتر؛ بس بعدنا؛ بس هو لسه بيحبني لحد دلوقتي، وأنا الصراحة عمري ما نسيته لأن مهما كان، ده كان أول حب في حياتي، واللي عرفت الحب على إيده، وطلب مني إني أقابله، وفعلا قابلته، وفاجئني إنه عايز يتقدم لي قال لي ما اقدرش أعيش من غيرك، وأنا مش عارفة ليه قلت له أنا موافقة.
هو عنده 24 سنة وجاهز والتاني اللي أنا مرتبطة بيه عنده 19 سنة، ولسه بيدرس وأنا كمان عندي 19 سنة أنا بجد محتارة، ومش عارفة أعمل إيه أنا صعبان علي أوي اللي أنا مرتبطة بيه، ده دلوقتي خايفة أصارحه لأنه بيحبني أوي، ومش قادرة أجرحه، بجد قولوا لي أعمل إيه؟
ن. ف