أمي باعتني.. وبسبب بنت أخويا سابتني

أنا مخنوقة والشعور بالظلم محاوطني.. أنا عندي 29 سنة، عندي أخ أصغر مني اتجوز من ورانا، ولما بابا وماما عرفوا قاطعوه لمدة سنة، وهو خلف في الفترة دي وسمّى بنته على اسمي، وبعدين لما بنته بقى عندها 4 شهور كلمني في التليفون، وأنا كلمته، وخليت ماما تكلمه، وقلنا لبابا، وبابا قال نتعامل معاه..

وبعدين لقيت ماما بتتغير معايا، وارتبطت ببنته؛ لحد مابقيتش تستحمل كلمة مني، وبقينا نتخانق كتير، بعد ما هو رجع.

بقيت مش طايقة نفسي ولا البيت، وفي آخر خناقة بينّا قالت لي إني مريضة نفسيا، ولازم أتعالج؛ على الرغم من إني طول حياتي ماعملتش مشكلة، ودايما شايلة الحمل ومتحملة المسئولية..

مش عارفة أعمل إيه بجد، حاسة إني مظلومة جدا من كل الناس اللي حواليّ.

Pink rose


لو عايز تفضفض لنا دوس هنا