حبيبي بيخوني وبيقول هيقتلني لو حد تاني خطبني

أنا بجد محتاجة حل لمشكلتي بأسرع وقت ممكن؛ لأن لو ماعرفتش الحل حاجات كتيرة هتحصل، وبجد مش عارفة أعمل إيه.

أنا بحب واحد من 9 شهور، كنا زمايل في المعهد؛ بس ما كنتش في يوم من الأيام مفكّرة إني أقرّب منه وأحبه ويحبني، هو بيحبني أوي، إحنا متفقين على الخطوبة في شهر سبعة الجاي، هو طيب وكويس؛ بس قبل ما يعرفني كانت ليه علاقات كتير مع بنات، ولما عرفني قال إنه بقى إنسان تاني؛ بس بجد كل ساعة تعدّي عليّ باحس إنه مع واحدة تانية.

بس الجديد اللي ظهر إن فيه واحد ظهر في حياتي؛ كويس وفيه المميزات اللي أنا عايزاها؛ بيصلي، وعارف ربنا، وطيب.

بجد مش عارفة أعمل إيه، الإنسان الأول بيقول لي أنا لو ماخدتكيش هاقتلك وهاموّت روحي.. ومش عارفة أفتح الموضوع ده مع والدي، ولا أنا عارفة أعمل إيه.

ووالدي من النوع الشكاك جدا؛ لدرجة إني مش عارفة أقول له على أي حاجة.. أنا بجد شايفة إن الإنسان التاني فيه مميزات أنا حاباها، وفي نفس الوقت مش عارفة أعمل إيه في الإنسان الأول.. بجد عايزة حل علشان خايفة.

nana

لو عايز تفضفض لنا دوس هنا