إزاي أعرف الحب اللي بجد من حب المراهقة؟

السلام عليكم ورحمة الله.. أود أن أشكر روّاد الموقع على المجهودات المبذولة في الردّ على المشاركين، عندي فضفضة بس عايز أعرف ردكم إيه.
أنا شاب 23 سنة أعمل بإحدى الجهات الحكومية ومتعلم.. المهم أنا كنت خاطب فتاة اتعرفت عليها عن طريق العمل، أحببتها كثيرا واتخطبنا لبعض، بس حصلت مشكلات كبيرة ما بينا وبين أطراف العائلتين أجبرتنا على الانفصال، مع العلم إن هي وأبوها كانوا السبب في المشكلات اللي أدّت لانفصالنا، أنا مش عايز أطول عليكم بس الموضوع ده كان مأثر فيّ لفترة.
المهم بعد كده كان لا بد أن أخطب مرة أخرى علشان أرضي والدي وعلشان أكمل حياتي، والدي عرّفني على ناس محترمين جدا، وأنا رحت معاه وشفت البنت وهي كويسة وعلى قدر من الخلق.
بس هل أنا كده غلطان لما خطبت تاني وبسرعة؟ مع العلم أنني لم أصبر إلا شهرا واحدا وهذا كان بضغط كبير جدا جدا من أهلي؛ لأن فرحي قريب.
ثانيا البنت كويسة بس عندها 17 سنة، وده أوقات باحسه في تصرفاتها؛ يعني الحب في السن ده يكون دائم إلى الأبد ولا حب مراهقة، مع العلم إني خاطب من شهرين والبنت بتحبني جدا، بس أنا خايف الحب يكون حب مراهقة إنها حاسة بحدّ حنين عليها فاستجابت له، وأنا برضه خايف أكلمها في الموضوع ده فأجرحها. أرجو الردّ وشكرا..
Algokar. abdo

لو عايز تفضفض لنا دوس هنا