لا تجْهري بذنبك ولا تُخبري أحداً عما حدث

السلام عليكم.. أنا بحبكم أوي.. أنا بنت عندي 20 سنة، وطالبة جامعية، أنا مش عارفة هي مشكلة ولا أنا اللي خليتها تبقى مشكلة مسيطرة على نفسي طول الوقت.
أنا دلوقتي في الفرقة التالتة بالجامعة، ومن فترة الثانوي من 5 سنين اتعرفت على شاب من النت، كان من محافظة تانية، واستمر كلامنا على النت.
ومع الأسف ليّ أقارب كانوا عارفين وكانوا بيشجعوني أتكلم معاه تاني؛ برغم إن كان فيه حاجة جوايا بتقول لي: ابعدي، الطريق ده غلط.
فضلت أكلمه فترة، وبعدين بعدت عنه، وفي بداية دخول الجامعة كلمني، ورجعنا نتكلم عن طريق التليفون بس.. وهو كان من محافظة تانية وطلب مني أسافر له محافظته.. ولما سألت قرايبي شجعوني إني أروح وأتعرف عليه في مكان عام قدام الناس.
وفعلاً سافرت أنا وبنت خالتي، وما شفتهوش خالص، وندمت ندم كبير لأني ارتكبت خطأ كبير في حق نفسي قبل أي حاجة، وضميري دايماً في تأنيب.
واتعلمت أوي؛ لأني سافرت وما كنتش عارفة أرجع؛ لولا إن فيه بنت كانت من البلد اللي إحنا فيها هى اللي اتعرفت علينا ورجّعتنا.. حسيت إن ربنا بيمدّ ليّ إيده، ومن يوميها وأنا ندمانة جداً على غلطتي.
بعد ما رجعت حاول الشخص ده يكلمني تاني؛ بس رفضت وبعدت، ورجع بعد سنة كلمني، وأنا سيبته خالص واهتميت بدراستي حتى بقيت كل سنة باجيب تقدير كويس.
بس أنا مش عارفة دلوقتي لما أتخطب وييجي خطيبي يسألني عن تجربة ماضية في حياتي، هيكون ردي إيه؟ وهل لو قلت له هيظن فيّ ظن سوء وهتبقى مشكلة طول الوقت وطول الحياة؟
أنا كل علاقتي بالشخص ده كانت على النت؛ لكن لا شُفته ولا قابلته ولا حصل حاجة غير مكالمات هاتفية بس.. أنا حاسة إن اللي كنت فيه كان لعب عيال أو مراهقة أو تأثير من اللي حواليّ، والحمد لله طلعت منه بدرس اتعلمت منه كتير.
لكم جزيل الشكر ومستنية ردكم عليّ بسرعة.

sss



لو عايز تفضفض لنا دووس هنا