عايزة أنتقب وخايفة

السلام عليكم.. أنا عندي مشكلة ومش عارفة أعمل إيه، مشكلتي إني والحمد لله ملتزمة إلى حد ما، واتخطبت لواحد شرَط عليّ النقاب بعد الزواج، وأنا كان نفسي في واحد كده؛ لكن حسيت إني مش عايزة ألبسه، وحاسة إني هالبسه علشانه هو مش علشان ربنا، وأنا مش حابة أعمل كده، ومش عارفة أعمل إيه؟
بعد ما اتفقت معاه عليه وفات على خطوبتنا سنتين وخلاص قرّبنا نتجوز، وهو إنسان كويس وبيحبني جدا، وأنا كمان بحبه، حسيت إني خايفة ألبس النقاب.. وهو بيقول إنه بيغير عليّ من أقل حاجة؛ مع العلم إني -والحمد لله- جميلة.
أرجوكم أنا باثق فيكم جدا ممكن تساعدوني، وتقولوا لي رأيكم.. جزاكم الله خيرا.
Aly.hooda


لو عايز تفضفض لنا دوس هنا