نفسى أفرح

أنا بنت 25 سنة بكالويوس خدمة اجتماعية وبشتغل عندى حضانة خاصة بي؛ مشكلتى هى إنى بيتقدم ليا ناس كتير وكل اللى بوافق عليهم وبلاقي ظروفهم مناسبة وبوافق بيرفضو هما، ولما يتقدم ليا حد ظروفة مش مناسبة بيقبل وبيبقي متمسك أوى، يعنى فيه شاب كان دايمًا الاهتمام من بعيد وكان فى وجه القبول ومعرفش ليه لما يبصلى من بعيد بلاقي نفسى بلتفت بدون إرادة وبلاقيه بيبصلي وأول لما يلمح إنى ببصله يحط رأسة فى الأرض لحد ما جه واتقدم رسمى وكان خجول جدًا بس طلع أصغر منى بسنتين ودبلوم وعندهم محل سيراميك والدى رفض حزنت جدا لحب الشاب ليا وإنه محاولش يكلمنى وجه رسمى، واتقدملى واحد بعده كان مستواه كويس وبكالوريوس تجارة وزى ما كنت بتمنى أهله شايفنى مناسبة جدًا وحلوة وهو كان متردد، تعبت من كتر ما بتعرض للمواقف ديه كل أسبوع موقف مختلف وعرسان ومفيش موضوع بيكمل لازم يطلع فيه حاجة مش عارفة ده ابتلاء من ربنا ولا اختبار ولا ده إيه ناس تبقي زعلانه عليا جدًا وناس مش عجبها رغم ان اللى بيتقدموا بيبقوا فرحنين ومش عايزين يروحوا يمشوا من هنا ومش نعرف سبب الرفض، ولما نبقي مش موافقين نلاقيهم بيحاولوا يخلونا نوافق مش فاهمه إيه اللى بيحصل ونفسي في نفس الوقت أفرح.
صديقتنا العزيزة
كثير من البنات يخفن من زواج الصالونات على الرغم إنه يحافظ على الفتاة ويجعلهن غالية معززة وسط أهلك ولا عيب ولا حرج في ذلك ، وانتي فتاة من حقك أن تسعدن فى حياتك، وتعيشن قصه حب عفيفة، وليس معنى انك تعرضتى لمواقف كثيرة من محاولات للأرتباط ولكنها لم تنجح إن هناك مشكلة تعانين منها … تعالى نفكر سويًا … من الكلمات التى سبق وذكرتيها أنتى فتاة ناجحة في دراستك ناجحة فى حياتك العملية لك عملك الخاص وهذه الصفات ليست متوفرة في أغلب الفتيات مثيلاتك فى السن والحمد لله على قدر من الجمال، المشكلة ليست فيكى ومن وجهه نظري لا يوجد مشكله فى الأساس، كل ما هناك أنه لم يحن الآوان لتتخطى هذه المرحلة، فلا تفقدي الثقة فى نفسك أبداً وكوني على يقين بأن الله سوف يرزقك الزوج الصالح في أقرب وقت لأن الزواج رزق … إدعى الله دومًا أن يقدر لك الخير.