هو عرف نتيجة خيانته يبقى ممكن تسامحيه

أنا كنت عاوزة أعرض عليكم مشكلة تخصني.. أنا مخطوبة من سنة وأربع شهور، وكنت بحب خطيبي قبلها بثلاث سنوات، وهو كمان بيحبني؛ بس أنا مش عارفة إيه اللي حصل خلاه اتغير معايا أوي، وهو بيسافر وبينزل كل شهرين أسبوع؛ بس هو كان تعبان والإجازة كانت طويلة، وفي آخر الإجازة اتغير، وماكانش بييجي لي؛ وإن جه مش بيكلم، وأنا مهما أكلّمه مش بيردّ عليّ، وإن سألته: مالك، يقول لي: مافيش.
وفي يوم كنت باكلمه لخّص في الكلام وقفل بسرعة.. طلبت إني أتكلم معاه، رفض، وكان بعيد عني أوي، وماكنتش باشوفه كتير؛ مع إن بيته جنبي.
واكتشفت إنه عارف واحدة غيري، وكان بيكلمها كتير، وكل ما أرنّ ألاقيني على الانتظار، ولما أسأله: كنت بتكلم مين؟ يقول لي: واحد صاحبي.. بس هي كانت واحدة، وبيقول إنه مصاحبها؛ لكن مافيش أي علاقة بينهم.
بس أنا مجروحة.. وهو دلوقتي رجع لي بعد ما رميت له الدبلة؛ لأنه بيحبني؛ بس أنا مش قادرة أسامحه على اللي عمله فيّ.

b

لو عايز تفضفض لنا دوس هنا