بحقّ حبك ليه صارحيه باستحالة إنكم تكونوا لبعض

أنا عندي مشكلة تاعباني أوي بجد.. أنا عندي 21 سنة، وبحب واحد؛ بس هو أقل مننا في المستوى الاجتماعي بكتير، وأقل شوية في المستوى المادي، وكمان هو خريج معهد وأنا في كلية من كليات القمة.
أهلي مش موافقين عليه خالص علشان الأسباب دي.. هو كمان بيحبني أوي ونفسه يعمل أي حاجة علشاني؛ بس اللي في إيديه قليل؛ لكن هو بيحاول فعلاً، وبيتعب عشان يوصل ويعرف يتقدم لي، وأنا بييجي لي عرسان ومستواهم كويس أوي، وأهلي بيضغطوا عليّ لما بيلاقوني بارفض.
لو سمحتم ردوا عليّ ضروري: أفضل جنبه، وماسيبهوش، وأتمسك بيه؟ ولا أختار أهلي؟
أنا بحبه أوي، ومش متخيّلة راجل غيره في حياتي؛ لكن لسه هيبدأ حياته، وأمي مش هترضى غير بإني أتجوز واحد مهندس أو دكتور ومستواه الاجتماعي والمادي عالي.

noonstar


لو عايز تفضفض لنا دوس هنا