شاكّة في حبه وأهلك مش موافقين.. ده طبعاً تضييع وقت

السلام عليكم.. أنا بحب واحد أوي؛ بس هو أقل مني في المستوى الاجتماعي والتعليمي.. الموضوع ده مش فارق معايا لأن إحنا حصلت لنا ظروف مادية؛ بس الحمد لله على كل حال، واتنازلنا عن حاجات كنا متعودين عليها، وتقريباً عرفت الوضع هيبقى إزاي معاه.
بس المشكلة الأولى إن أهلي مش هيوافقوا، ورافضين المبدأ أساساً، وهم شايفين إني كويسة وأكيد هييجي لي ناس أحسن؛ بس أنا ممكن أعمل أي حاجة عشانه.
المشكلة التانية إني مش واثقة من حبه، وكتير باحسّ إنه بينفّض ومش فارقة معاه؛ بس هو بيقول إنه بيحبني بجد، وإن هو بيعمل كده لأنه مش فاضي، وإني باظلمه، وهو بيشتغل عشان يعمل حاجة لينا.
الشك ده بيخليني أعامله برخامة، وهو بيتضايق، وكذا مرة بنسيب بعض عشان الموضوع ده، وبنرجع تاني.
أنا مش شايفة نفسي مع حد غيره.. ممكن تردوا عليّ: أسيبه وأحاول أنسى، ولا أكمّل معاه وأشوف إيه اللي هيحصل، ولا ده مش حب أصلاً واللي أنا فيه ده تضييع وقت؟
Gogo


لو عايز تفضفض لنا دوس هنا