أولاً أحب أن أشكر الموقع الجميل ده، اللي باستفيد منه كتير، وأحب أكون صديقة. أنا عندي مشكلة ممكن تكون سهلة أو حتى مش مشكلة بالنسبة لأي حد؛ بس هي بالنسبة لي مشكلة فعلاً مش عارفة أتصرف فيها. مشكلتي إني اتعرفت على ولد أصغر مني بسنتين، هو كويس ومحترم ومتدين، اتكلمنا مع بعض كتير ولمدة طويلة جداً، تقريباً كنا بنقضي اليوم كله مع بعض.. قال لي إنه بيحبني، وأنا بصراحة باحسّ معاه بحاجات كتير جميلة، وأول مرة أحس بكده مع حد. بس أنا مش عارفة أنا فعلاً بحبه ولا ده مجرد تعوّد ولا ده حاجة مليت بيها فراغي؟ أوقات كتير بافكّر في فرق السن اللي بينّا، وأنا مش عارفة العلاقة دي آخرتها إيه، وأوقات باقول لنفسي كفاية اللي أنا حاسة بيه وعايشاه معاه، ومش مهم إيه اللي جاي. أنا متأكدة إنه صادق في مشاعره، وصادق معايا، وأنا مصدقاه؛ بس أنا مش عارفة أعمل إيه.. مجتمعنا بيرفض الحب اللي من النوع ده.. يا ريت تساعدوني. bebo