أرجوكم أنا في مشكلة، وبجد محتاجة حل لأني بجد في حجيم.. أنا اتعرفت على واحد كنت شُفته قبل كده من غير ما نتكلم، وبعدين اتعرفنا على النت وسألت عليه، وعرفت عنه كل حاجة؛ طلع إنسان رائع بإجماع الناس، وده اللي أنا اكتشفته من طول تعاملي معاه. بدأنا نتكلم على أساس إننا أصحاب؛ بس بعد كده غصب عني حبيته لدرجة عمري ما تصورت إني ممكن أوصل لها. المشكلة إنه ساعات كتير بيحسسني إنه برضه بيحبني وسا عات يحسسني إني بجد صديقته المقربة؛ بس لما قابلته كان التعامل شوية مختلف.. آه احترمني وكان كويس في المعاملة؛ بس مش هو ده اللي كنت منتظراه منه. بجد مش عارفة أتعامل معاه إزاي؛ مع العلم إن اليوم اللي بيعدّي عليّ من غير ما أسمع عنه خبر بيكون جنهم عليّ، ولما جيت علشان أسيبه -نظراً لمعاناتي هذه- كان كل ما صدر مني هو البكاء، ولم أستطع أن أنطق حتى بكلمة فراق؛ مع العلم إنه لم يتجاوز معي نهائياً حدود الاحترام، ودائماً ما يشعر بي ويكون بجانبي عند كل مشكلة؛ لدرجة إني أصبحت لا أستطيع أن أخفي شيئاً عليه. وعندما أخبرته أنه قد جاء إليّ عريس نصحني بأن لا أظلم أحداً لمجرد الرفض.. أرجوكم، بالله عليكم أرشدوني: ماذا أفعل؟ n