طَمِّنها من ناحيتك بعد ما تتنازل عن أنانيتك

أنا بحب واحدة أوي، وهي كمان بتحبني.. أنا في كلية وهي في كلية تانية، وهي عشاني ضحّت بحاجات كتير أوي، واستحملت حاجات ما يستحملهاش حد.
المشكلة بدأت إن أنا ليّ زمايل بنات، وهي ما رفضتش وقالت لي إنها واثقة فيّ؛ مع إني ما كنتش موافق إن يبقى ليها زمايل ولاد.. وفي مرة واحدة من زمايلي دول حبتني؛ مع إنها كانت عارفة إني بحب واحدة تانية، وأنا قلت لها إني بحب واحدة وهافضل أحبها طول ما أنا عايش، وعلاقتي انتهت مع زميلتي دي، وأنا ما رضيتش أحكي للي بحبها حاجة عشان ما اجرحهاش أو أضايقها.. بس في مرة اللي بحبها سألتني: أنت عمرك خبّيت عني حاجة؟ فقررت أقول لها.
ساعتها قالت لي إنت اللي اخترت يبقى ليك زمايل وحطيتني في موقف زي ده، إنتَ ما فكّرتش فيّ قبل ما يبقى ليك زمايل، وقالت لي: أنا مكاني غلط في حياتك ولازم أبعد عنك.
أنا عارف إنها بتحبني؛ بس أنا كنت أناني معاها في الحكاية دي، ونفسي ترجع لي؛ بس مش عارف.
I.L

لو عايز تفضفض لنا دوس هنا