أهلك ربّوكِ صح.. وخجلك منه عمره ما كان المشكلة

أنا عندي 18 سنة، ومرتبطه بزميل ليّ في الكلية وعرّفته على ماما، وقالت لي إنه شخص محترم ومؤدب، وإحنا نعرف بعض من 2 إعدادي.. أنا عارفة إنكم هتقولوا لي إننا كنا صغيرين، وده كان سن مراهقة؛ بس إحنا بِعِدنا عن بعض حوالي سنتين فترة الثانوي، ولاقينا نفسنا بنرجع لبعض تاني.
هو قايل لعيلته كلها، حتى باباه عرف؛ بس أنا مشكلتي إني خايفة لأنه لسه هيكوّن نفسه، وأنا عندي استعداد أفضل معاه؛ بس خايفة من أهلي يرفضوا؛ مع العلم إن ظروفهم الماديه مرتاحة عشان كانوا عايشين في السعودية.
ومشكلتي التانية إني ساعات باحس إنه بيحبني أوي، وساعات قليلة أوي أحس إنه بيعاملني عادي.. أتأكد إزاي من حبه ليّ؟
ومشكلتي التالتة والأخيرة إني باتحرج منه أوي لدرجة إني باتكسف أقول له كلمة "بحبك" أو كلمة "حبيبي"، ودي حاجة مضايقاه.. أنا حاولت أتغير بس مش باقدر.
أنا آسفة لو كنت طوّلت؛ بس يا ريت تهتموا بمشكلتي وبالذات الأخيرة.

saso

لو عايز تفضفض لنا دووس هنا