عصير البطيخ والفراولة ممكن تفتكري إن العصير ده غريب شوية، لكن طعمه لذيذ جداً.. المقادير: * 7 شرائح بطيخ مقطعة مكعبات صغيرة ومنزوع منها اللب * كوب مية * 1/2 كيلو فراولة مقطعة قطع صغير * مكعبات ثلج * شرائح ليمون "للتزيين" * 1/2 كوب سكر الطريقة: اضربي شرائح البطيخ مع الفراولة والسكر والمية في الخلاط كويس، وقبل أذان المغرب بربع ساعة صبي العصير في كاسات العصير وضيفي إليه مكبعات الثلج.
******************* شوربة الفلفل الأخضر شوربة الفلفل الأخضر المقادير: * 1/2 كيلو فلفل أخضر بارد مقطع قطع متوسطة الحجم * بصلة كبيرة مقطعة قطع صغيرة * 5 أكواب شوربة فراخ أو لحمة * 3 ملاعق كبيرة زيت الزيتون * ملح وفلفل * 1/2 كوب زيت زيتون الطريقة: 1- سخّني زيت الزيتون على النار، وضيفي إليه البصلة المقطعة قطعا صغيرة مع التقليب المستمر لغاية ما لون البصلة يبقى دهبي. 2- بعد ما تلاقي إن لون البصلة بقى ذهبي ضيفي إليها الفلفل المقطع والشوربة والملح والفلفل وسيبيهم على النار لمدة نصف ساعة. 3- بعد مرور النصف ساعة اطفي البوتاجاز، وسيبي الشوربة لغاية ما تبرد، وبعد كده اضربيها في الخلاط لمدة دقيقة، وصفيها بالمصفاة علشان تتخلصي من قشر الفلفل. 4- قبل أذان المغرب بربع ساعة حطي الشوربة على النار، وبعد كده حطيها في أطباق الشوربة.
******************* سلطة بطاطس بالزيتون سلطة بطاطس بالزيتون المقادير: * 4 ثمرات بطاطس مسلوقة * كوب زيتون أخضر مقطع شرائح * كوب زيتون أسود مقطع شرائح * عصير ليمونة * ملح وفلفل * 1/4 كوب زيت زيتون * خس مقطع شرائح رفيعة * 4 ثمرات خيار مقطعة مكعبات صغيرة * 3 ثمرات جزر مقطعة مكعبات صغيرة * 3 ثمرات طماطم مقطعة مكعبات صغيرة الطريقة: قطّعي البطاطس إلى مكعبات واخلطي كل المقادير مع بعضها كويس وتبّليهم بالملح والفلفل والليمون، وبعد كده حطيها في أطباق السلطة.
******************* صينية السمك بالبشاميل صينية السمك بالبشاميل المقادير: * كيلو سمك فيليه * عصير خمس ليمونات كبيرة * 1/2 كوب زيت عباد الشمس * 1/2 كوب زبدة * 1/2 كوب لبن * 3 ملاعق صغيرة كمون * 1/2 كوب مكسرات "عين جمل + جوز مفروم + لوز" * ملح وفلفل * 5 فصوص ثوم مفروم * قرن فلفل أحمر حار مقطع قطع صغيرة * بيضة مخفوقة بالملح والفلفل * فنجان جبنة موتزاريللا الطريقة: 1- تبلي السمك بالملح والفلفل والكمون وعصير الليمون والثوم وقرن الفلفل الأحمر، وقلبيهم مع بعض كويس وسيبيه في الثلاجة لمدة ساعتين علشان يتّبل. 2- اسلقي اللوز لمدة 10 دقائق وبعد كده قشريه وقطعي كل لوزة إلى 4 قطع بالطول وبعد كده حمّصيه في الفرن أو التوستر أو في الزيت. 3- سيّحي الزبدة في حلة متوسطة الحجم، وبعد كده ضيفي إليها الدقيق مع التقليب المستمر لغاية لون الدقيق ما يبقى ذهبي.. بعد كده ضيفي اللبن مع التقليب المستمر لغاية ما تلاقي إن الشكل بقى عامل زي الكريمة، وبعد كده ضيفي إليه الملح والفلفل والبهارات وبكده يبقى إنتِ عملتي البشاميل وبعد كده اطفي البوتاجاز وسيبيه علشان يبرد. 4- بعد ما البشاميل يبرد ضيفي إليه اللوز وعين الجمل وقلبيهم مع بعض كويس. 5- هاتي صينية فرن وادهنيها بالزيت ورصي فيها شرائح السمك، وبعد كده صبي فوقها البشاميل بالتساوي وبعدين وزعي الجبنة الموتزاريللا على الوش بالتساوي، وممكن ترشي على وش الصينية زيت علشان لما تدخل الفرن تحمر وممكن تحطي على الوش بيضة مخفوقة بالملح والفلفل. 6- سخني الفرن على درجة حرارة متوسطة ودخلي الصينية وسيبيها لمدة ساعة أو لغاية ما وشها يحمر وبعد كده خرجيها.
******************* التفاح بالفواكه المجففة التفاح بالفواكه المجففة المقادير: كوب مشمش مجفف كوب قراصية منزوعة البذر 8 حبات تفاح أصفر متوسط الحجم 1/2 كوب عصير ليمون 3 ملاعق كبيرة قرفة 1/4 كوب سكر 1/2 كوب زبيب كوب زبدة الطريقة: 1- قطعي المشمش والقراصية إلى قطع متوسطة الحجم وحطيهم في طبق واخلطيهم بالسكر وقلبيهم مع بعض كويس. 2- هاتي التفاح وشيلي قلبه مع الاحتفاظ بالتفاحة كاملة. 3- هاتي عصير الليمون وادهني التفاح من بره ومن جوه باستخدام فرشاة رفيعة. 4- ادهني صينية الفرن بالزبدة ورصي فيها التفاح وحطي جوه كل تفاحة ملعقة صغيرة من خليط السكر والمشمش والقراصية ورشي باقي الخليط في الصينية. 5- هاتي الزبدة وقطّعيها إلى مربعات وحطيها على التفاح وفي الصينية. 6- سخني الفرن على درجة حرارة متوسطة ودخلي صينية التفاح في الفرن وسيبيها لمدة ربع ساعة أو لغاية ما تلاقي التفاح لونه ذهبي طلعيه وحطيه في طبق التقديم.
*******************
وبكده تكون خلصت عزومتنا النهارده وياللا بسرعة على المطبخ علشان تلحقي تعمليها على الفطار، بس أوعي تنسي بعد الفطار تدخلي على قمر 14 علشان تبعتي وتقولي لنا على النتيجة... واستنينا بكرة في عزومة جديدة، ومن هنا لبكرة أوعي تنسي تبعتي رأيك وتعليقك.. كمان لو عندك أي استفسار أو لو عايزة تعرفي تعملي أكلة جديدة، ومش عارفة تعمليها ابعتي وقولي لنا عليها واحنا هنقول لك على الطريقة على طوووول..
وإلى اللقاء غدا إن شاء الله مع أطيب التمنيات بصوم مقبول وإفطار شهي بإذن الله سلااااااااام ********************* للتعرف على مزيد من الوصفات الشهية اضغط هنا "سفرة دايمة" *********************