محاولتك لكسب صداقته لن تنجح قبل أن يتقدم لخطبتك

السلام عليكم ورحمة الله وبركاته.. أولاً أحب أشكركم على الموقع الجميل لأنه بيفيد وبيحل مشاكل كتير أوي.
ثانياً أنا عندي مشكلة وبصراحة محيّراني أوي ونفسي ألاقي لها حل؛ بس معلش هاطوّل عليكم لأني لازم أقولها من الأول.. أنا بنت عندي 20 سنة، بحب واحد من وأنا عندي 16 سنة، والحمد لله هو كمان بيحبني؛ بس حصلت بيننا مشاكل كتير أوي، واضطريت أسيبه لأن المشاكل تقريباً عملت ليّ حالة نفسية، وكان بيحاول إنه يرجع لي وأنا كنت بارفض، وجرحته كتير بكلامي إني مش عاوزاه على الرغم من إني كنت بحبه جداً.
ومن خمس شهور رضيت إننا نرجع، وفعلاً رجعنا لبعض، وكنت فرحانة جداً وهو كمان، واتفقنا إنه إن شاء الله هيتقدم لي بعد سنتين لما يكون كوّن نفسه، وأنا مستعدة أستنّاه وحتى لو أكتر من كده.
بس المشكلة إن كل ما يحصل بيننا مشكلة يقول لي: ها، هتسبيني المرة دي قد إيه.. لأني الفترة اللي سيبته فيها كانت سنتين، وفاكر إني هاسيبه تاني، ودايماً بيقول لي إنه مش واثق فيّ، وحاسس إني ممكن أسيبه تاني في أي وقت.
وفيه كمان مشكلة إنه بيقول لي إنه نفسه نبقى أصدقاء وأحباب، وأنا كمان نفسي في كده؛ بس مش عارفة كل ما يقول لي أي حاجة فيها بنات باتجنن، وهو بيعتبر إن ده عدم ثقة فيه.. مش باعرف أتكلم معاه كأصدقاء، وده عامل مشكلة كبيرة بيننا لأنه بطّل يقول لي حاجة، وقال خلينا أحباب؛ بس أنا نفسي أبقى صديقته كمان.. أرجوكم قولوا لي أعمل إيه في المشكلتين دول.
s.a

لو عايز تفضفض لنا دووس هنا