السلام عليكم أنا مخطوبة من 6 شهور وبنتّفق أنا وخطيبي على أسلوب المعيشة، فقال لي إني هاكل مع بيت والده اللي هو تحتي؛ لأني هاسكن في بيت العيلة.. أنا مش حابة إني آكل مع حد، وإني أكون مع حد؛ لأني بحب الهدوء، وأكيد كل واحد بيبقى عاوز يكون مستريح في بيته يعني كفاية عليّ إني أنظّف بيتي وأعمل الأكل لجوزي وكده، المهم حاولت أقنعه إنه مش هينفع ناكل تحت مع مامته، وإني برضه باتكسف آكل مع حد. لكن كل مرة مش بينفع وبنتخانق وقلت له ارضِ جميع الأطراف؛ يعني مثلاً نحدد يوم ناكل تحت أو يومين بالكتير؛ لكنه برضه متمسك برأيه؛ مع العلم إن مامته وباباه معاهم لسه بنت كبيرة ما اتجوزتش وبنوتة صغيرة في أولى ابتدائي وأخته الكبيرة دي بتشتغل وبتيجي بالليل؛ يعني المفروض دلوقتي إني مش أقعد مع حد لأن كمان لسه ليه إخوات. مش عارفة إيه الحل.. أرجو الرد doda mody