السلام عليكم.. أنا بجد مبسوطة جداً إني لقيت حد ممكن يسمعني، أنا فعلاً عندي مشكلة وتعبت منها جداً؛ أنا عندي 24 سنة كنت بحب واحد أكتر من نفسي، بس سابني واتجوّز أعز صاحبة ليّ، واتخَطَبت بعده مرتين، بس الحمد لله ما فيش نصيب علشان جواز صالونات، بس بعد شوية بيتحوّل لعِشْرة وتَعوّد، بس في كل مرة ما اعرفش ليه حسيت إني بحب من طرف واحد، واللي بيخطب بالطريقة دي ما بتبقاش فارقة معاه هو خاطب مين أهو أي واحدة والسلام، وأنا أكيد زي أي واحدة نفسي أحب وأتحب. مشكلتي دلوقتي إني بقيت خايفة أصدّق أي حد أو أوافق على أي حد تاني، أنا رفضت كل اللي اتقدّموا ليّ، خايفة ما لاقيش اللي حبيته وشفته قبل كده، هو صحيح فيه حب ولّا ما فيش؟؟ وهل نستناه ولّا ندوّر عليه؟؟ Mero love