أنا كنت بعت قبل كده والرد وصلني متأخر أوي؛ بس المرة دي الرد لازم يكون بسرعة أنا مرتبطة بواحد بقى لي 4 سنين، أنا عارفة إنه بيحبني، بس كل ما أقول له على الخطبة يتحجج بحجج أصلا مش مقنعة أبدا، بس أرجع وأقول بيحبني؛ بس يا ترى بقى هاستناه كام سنة على ما ييجي ويتقدم لي، أنا باعمل له كل حاجة هو عاوزها؛ بس باحس إنه مش عاوز يعمل علشاني أي حاجة، وباستحمل لأني متأكدة إنه بيحبني؛ بس دلوقتي أنا تقدم لي واحد كويس، وأنا قعدت معاه وحاسة إني مرتاحة له أوي، قطعت اتصالي خالص باللي مرتبطة بيه، وهو حتى ما حاولش يعرف أنا قطعت الاتصال ليه. أنا دلوقتي أعمل إيه أوافق على اللي متقدم لي، ولا أرجع للي أنا مرتبطة بيه؛ مع العلم إني مش عارفة أنا بعد الأربع سنين دول بحبه ولا لأ؛ بس باحس إني مش عارفة أعيش من غيره؛ بس ساعات باحس إنه عادي مش فارق معايا، أنا والله محتارة أوي وتعبانة نفسيا جدا يا ريت تقولوا لي أعمل إيه والرد يكون بسرعة؛ لأن موافقتي أو رفضي هيبقى بناء على ردكم إنتم؟ م