أهلاً بكل أصدقاء "بص وطل".. النهارده حبيت أشارك معاكم بوصفة للجلاش حلوة أوي.. وأنا متأكدة إنها هتعجبكم أوي إن شاء الله.. الوصفة اسمها "بيتزا الجلاش".. المقادير: لحم مفروم بصل مشروم طماطم فلفل أخضر جبنة رومي مبشورة أو موتزاريللا كوب لبن الطريقة: 1- نقطّع البصل شرائح صغيرة، ونحمّرها في معلقة سمنة، ولما تبتدي تتحمّر، نضيف عليها اللحمة المفرومة والمشروم والملح والفلفل، ونعصّجهم مع بعض. 2- نجيب صينية، ونحط فيها معلقة سمنة، ونفرد نصف كمية الجلاش في الصينية، وبعدين نفرد عليه اللحم المعصّج بالمشروم، وبعد كده نفرد عليه باقي الجلاش. 3- نقطع الفلفل الأخضر والطماطم لشرائح، ونحطّها على وش الصينية ومعاها الجنبة المبشورة. 4- نجيب كوب اللبن، ونضيف عليه فلفل أسود، ونضربه كويس، ونسقي به صينية الجلاش، وندخّلها الفرن لمدة 20 دقيقة، وهتلاقي طعمه أحلى من البيتزا.. وبالهنا والشفا.
ويا ريت تجرّبوها بجد.. وتبعتوا تقولوا لنا رأيكم إيه؟!! وفي النهاية نحب نشكر صديقتنا العزيزة على وصفتها اللذيذة.. ونتمنّى إنك تجرّبيها.. وتبعتِ تقولي لنا على النتيجة.. وما تنسيش لو بتعرفي تعملي أكلة وشاطرة فيها جدًّا.. إنك تبعتيها لنا على صفحة..