الصح هو ما تريدينه أنت

السلام عليكم.
موقع في منتهي الجمال وربنا يجازي كل العاملين فيه خير.
أنا بنت عمري 19 سنة، في تالتة كلية. ملخّص الموضوع إني كنت في القاهرة لأني من محافظة تانية، وتهت وسألت واحد على المكان؛ المهم دلّني، وهو بيوصّلني عرف اسمي وفي كلية إيه؛ المهم الكلام ده حصل من سنة وأكتر.
بعد كده لقيت الشخص ده بيكلمني على النت، وعرف إيميلي من واحدة صاحبتي طلعت تقرب له علاقة نسب؛ المهم إنه كويس ومؤدب، وقلت لماما، المهم كلّمها، وعاوز يتقدم لي وأنا ما انكرش إنه محترم وعاقل.
كلمته مدة يمكن أكتر من 5 شهور، المهم إن بابا رفض الموضوع لأن العريس ده عاوز يسافر بره وياخدني معاه؛ مع العلم إن بابا نفسه بره مصر.
بابا كلمته بتمشي سواء رضيت أو لا، ومتمسك برأيه في المواضيع دي؛ بس ممكن يلين لو ماما اتكلمت معاه وأقنعته، كمان بابا اعترض عشان العريس من محافظة تانية.
المهم إن أهلي سألوا عليه طلع ابن ناس كويسين وسمعتهم كويسة.. بابا أصلاً قال لأخويا قبل كده إنه عاوز يختار هو العريس، والشخص اللي بابا عاوز يجوزهوني أنا مش بارتاح له بالإضافة إلى إنه أكبر مني بكتير.
أنا دلوقتي مش عارفة مين الصح. لو سمحت حد يردّ عليّ؛ مع العلم إني مش مستعجلة على موضوع الجواز. وشكراً.
روبي
لو عايز تفضفض لنا دوس هنا