الرئيس السيسي: تريليون جنيه تكلفة استصلاح 4 ملايين فدان

7
قال الرئيس عبد الفتاح السيسي، موجها حديثه لوزير الزراعة السيد القصير: "أنت فى الأرقام اللى ذكرتها في تكلفة الاستصلاح قلت الفدان بيتكلف 250 ألف جنيه وأنت بتتكلم في 4 ملايين فدان، يعنى تريليون جنيه، أنت كاتبهم ليه قليل كده؟".
وتابع خلال جلسات اليوم الثاني لمؤتمر حكاية وطن: "بتتكلم فى 4 ملايين فدان، معالى الوزير عارف كويس أوى حاجته بصراحة يعنى، بس هو بيتكلم عن اللى هيدخل حيز الإنتاج خلال العام الزراعى دا هو اللى عاوز يتكلم عليه، إحنا بنتكلم على اللى إحنا مخططينه خلال بالكتير سنة ونص أو سنتين، لو بتتكلم عن إنك تضيف 4 ملايين فدان فى أرض ظروف مصر فيها، معندناش مياه ممطرة على مدار العام 8 أو 9 أشهر أى حتة هنصلحها تزرع زى ما انت ذكرت علشان نعمل فى توشكى المشروع بتقول حائط صخرى، ال7 كم، وفضلوا موقفين المشروع العشرين سنة اللى فاتوا، ليه متقولش تريليون جنيه، إحنا مبنقولش حاجة أبدا مش صادقة، الرقم اللى قلته فى الأول أنا اتخضيت، قلت مش عاوز يقول الفلوس ليه؟".
إقرأ أيضاً
* الرئيس السيسي: نفذنا التأمين الشامل للبيانات الحكومية ضمن خطة الانتقال للعاصمة الإدارية
* الرئيس السيسي: الخوف من فقدان وحدات الإيجار القديم عقبة أمام استغلال 2 مليون وحدة
* الرئيس السيسي يكرم أوائل الخريجين ضمن يوم تفوق جامعات مصر
* الرئيس السيسي: الإجراء العاجل لقواتنا بليبيا لتخفيف آثار الكارثة
* الرئيس السيسي يوجه بالعمل المكثف لتطوير شبكة الموانئ والطرق الرئيسية
* الرئيس السيسي يوجه بمواصلة جهود تطوير شركات قطاع الأعمال
وأكد الرئيس على حرص الدولة على تعظيم ما لديها من موارد، لافتا إلى عدم دخول شركات أجنبية في أعمال التكريك بالبحيرات توفيراً للتكاليف،.مؤكدا أن تطوير البحيرات في مصر يضاعف الإنتاجية بشكل كبير، على ضرورة الحفاظ على جودة البحيرات والالتزام بوسائل الصيد المشروعة وأشهر الصيد المسموح بها لضمان استمرار جودتها، مشيرا إلى أن بحيرة ناصر بها 40 ألف صياد.
وأضاف: "لو أنتم أحسنتم استخدامها ونظمتم بقوة الصيد فيها هي والبردويل والبرولس وإدكو وبحيرة مصر، إنتاجك هيزيد عن كده مرتين تلاتة أربعة ويكفي بزيادة وبزيادة، وفرص عمل للناس تكسب منها، إذا مكناش نتفهم يعني ايه بحيرة نقية وبتنظم الصيد فيها ولا يسمح باستخدام وسائل ممنوعة في الصيد ثم فترة الإيقاف نلتزم بها، قولوا للناس اللي بتصطاد، هم كام واحد، خمسين ولا مية ألف، لو أثناء التوقف نصرف لهم دعم ألف ولا ألفين كل شهر لمدة أربع شهور عشان هنعمل إغلاق كامل للبحيرة، عشان الاستزراع، والراحة البيولوجية تكون حققت النتيجة انتو هتجدوا وهم هيجدوا، بدل ما يطلع 12 كيلو في الوم ممكن الرقم يتضاعف.. هيئة تنمية البحيرات".
وتابع: "قلنا أيام إبراهيم محلب قلنا هنعمل كيان قوي هيكلفنا كتير، بعد اللي اتعمل هنا واتكلف، طب انتو دفعتوه؟ الموضوع شغال بين الكراكات اللي اشتريناها، لو دخلنا شركات أجنبية عاوزين أكتر من 3000 مليار جنيه ، المهم بعد ما عملنا دا ونجحنا بالطريقة دي، الفكرة إن البحيرات دي مزارع سمكية بقول عليها طبيعية صناعية لأننا هنتدخل فيها، بقول الكلام دا للناس اللي موجودة في بردويل، وياريت كنت انت جبت لي بحيرة ناصر والمصانع الموجودة متبقى عاملة زي دلوقتي".
ونوه بأن أعمال التكريك وإزالة التعديات على البحيرات استمرت لنحو 5 سنوات، مضيفا: "كنا بنتكلم على 250 ألف فدان، وكان بيتم فيهم إلقاء صرف زراعي وبالتالي كان دا الحال، وحتى الثروة السمكية اللي كانت ممكن تنتج في البحيرة دي تراجعت بشكل كبير".
وأضاف: "بتتكلم في 250 ألف فدان نعمل تكريك منذ 5 سنوات ونزيل تعديات، وكان بها بؤر كلام مش مظبوط، وعشان تعود مرة تانية الحياة للبحيرة وتنتج عشان تدخل الإنتاج ل250 ألف فدان"، مردفا: "عاوز أقول لكم وأي حد بيشتغل في الموضوع ال250 ألف فدان دول عبارة عن مزرعة صناعية طبيعية".
وتابع الرئيس السيسي :"البلد بها مقومات كويسة لو هناك متابعة من المسئولين وضخ أموال، وفكرة بحيرة ناصر أنها تقدم أنواع من الأسماك بأسعار معقولة ومنخفضة للغاية".
وقال: "النهارده كل الحاجات اللى كانت موجودة خرجت برة الخدمة وتتطلب أن تتعمل من جديد، فطلع الموضوع مظبوط واستكمله مظبوط حتى لا تخرج بعد 5 سنوات المشروع خارج الخدمة".
استصلاح أراضيالرئيس عبدالفتاح السيسيبحيرة ناصرتعظيم الموارد