آيه سرور تكتب عن : مسلمين_بدون إسلام

عارفين مصيبتنا في الحياة دي ايه ؟؟!اننا بناخد قشور كل حاجة , وخصوصا في الدين يعني مثلا مثلا هتلاقي المسلم بيقولك صلي , صوم , البسي كويس ماتعمليش كدة عشان حرااااااااااام ,ماتعمليش كذا عشان هتدخلي الناااااااااار "ايموشن حسين_يعقوب " وهتلاقيه هو في حياته ملتزم بعبادات كتيييييييير جدآآآآآآآآ بس تعالي بقا بصله في حياته العامة بيعمل ايه هتلاقيه بيكفر في غيره , مطلع عين أي حد , واي حد هيتكلم معاه في حاجة ويوصل معاه لحيطة سد هيقوله اعمل_وخلاص ربنا قال كده والرسول كان بيعمل كده مابيفكرش في الأسباب اللي ربنا قال اعملوا كدة علشانها .. مابيقوليش حاجة يقنعني ان اعمل كدة علشان في سبب لكده , لأ هو اعملي كدة وخلاص قليل أوووووووووي لما تلاقي حد متفهم حتي انك لازم تتعلمي تشتغلي وتجتهدي في حياتك عشان ربنا بيحب #العبد_المجتهد ربنا جميييييييل جدآآآآآآآآ خلقنا في الدنيا عشان #نعمل ونعمر مش عشان نقعد نتعبد فيه وبس ويبقا هاممنا شكلنا قدام الناس , اكتر من شكلنا قدام نفسنا وقدامه هو , أصل ع فكرة لما هيجي يقابلنا في الآخرة ونيجي نتحاسب مش هيسألنا صليتوا اد ايه وصومتوا اد ايه , كنتوا بتقعدوا في قيام الليل اد ايه وخلاص ع كده هيسألنا كمان احنا عملنا ايه في دنيتنا وفدنا البشرية بأيه !! كان ايه دورنا في الحياة اللي عشناها عشان كدة هتلاقوا بلاد برة خدت تعاليم دينا نفذتها رغم انهم مش مسلمين ولا حاجة ولا بيعملوا العبادات اللي بقت #عادات عندنا بنعملها وخلاص عشان هي مفروضة وعشان احنا اتعودنا نعملها كل يوم لدرجة اننا بطلنا نحس بيها وبنعملها عشان نخلص ,, خسرنا دينا من الناحيتين للأسف الناس دي لا بيعملوا اللي احنا بنعمله من صوم وصلاة ,, بس بيشتغلوا وعشان كدة ربنا كرمهم ,, ربنا له العبد المجتهد اللي بيتعب فهيكافئه ع تعبه مش هياخده بذنب انه مقصر من الناحية الدينية تخيلوا بقا احنا كدة لو فوقنا لنفسنا شوية بقينا بنشتغل صح جنب عبداتنا واللي لازم ترجع عبادة مش عادة وبنعملها عشان احنا عاوزين نعملها مش خايفين اننا لو معملنهاش اننا ندخل النار ونتعذب بوصوا انا مش عاملة فيها شيخة ولا حاجة ولا انا احسن من حد وبعمل ذنوب الدنيا والاخرة ومش ملاك بس #الكلمتين دول كانوا محشورين في زوري ولازم أقولهم لعل وعسا لو حد قراهم وفهمهم وعمل بيهم اخد ثواب من وراكم.