شكوى شيطان قصيدة ل "اسلام الشرقاوى"

ماشى فى طريقى فى حالى فجأه ظهر ابليس
قولت استعوذ الوالى قالى كفياك تعويذ
انا اصلا منكوا قرفت ومن وسوسه الملاحييس
ده انتوا شعب اومليت دمرتوا عقول الاباليس
وانا خلاص فى البلدى مبقاش ليا عيش
طالع على فم الخليج يمكن هناك اعيش
لا تقولى بقا حضاره ولا تقولى عيش قريش
يا راجل انا بقيت اوسوس يتقالى خف تعيش
واخف وانا من الجوع بقيت فى وزن الريش
وخايف من اكلكوا اصل انا فى الكبد .. ماليش
والاكل كلوا مسرطن والعيش بقا مش نضيف
الله يخرب بيتكوا هو اللى ييجى فى الريش بقشيش
يا راجل انا جيت اسرق ملقتش حتى رغيف
قولت للحرامى ادينى قالى فى السلف ... ماليش
قولتله طب علمنى يمكن بالكار اعيش
لقيت اول كلامه !!! يا رب ارزقنا الطلعادى
يا عم وانا جاى اسرق ولا اسلم وسماح المرادى
يا راجل ده انتوا بقيتوا تسجنوا الصوت اللى ينادى
يهتف بحق بلاده ... يفضل للظلم معادى
طب اوسوس انا لمين والخيرين مالين السجون
واللى برا ميستاهلوش ما الفول لحس العقول
يا راجل ده انتوا فى يوم من بعد ظلم سنين
قولتوا للظالم غور كفيانا عذاب وانين
الاقيكم فجأه قلبتم بقيتوا شله شياطين
وتقولوا على ثواركم بلطجيه وشمامين
يا راجل ده انا جيت اوسوس تنتخبوا فلول فى فلول
وقولت بلاش المخلص بلا حمدين بلا ثوريون
الاقيكم فجأه ابتلتونى باللى العن من الفلول
تجيبوا الحرامى يسرق وتقولوا ذنب مغفور
وقال شاطرين تقولوا دول اخوان مسلمون