طفوا النووووووور

اسكت خالص ..
أوع تخبط..
هات الشمعة وطفي النور...
دا أنا مش ناقص ..
ليه تتنطط..
ليه بتجيب سيرة الدستور...؟
هي بلدنا فيهاشئ راكز
ولا متظبط..
صواميل فاكه ومين هيربط ..
ولا دي حلقه وفيها ندور...
بيضة وفرخة اتلأموا علينا..
أنا بقى هاختار العصفور.!!!!
وإن كان عندك نص جناني ..
ماتيجي نرجع شلة فتحي سرور..!!
أما العاقل راح يلقاني ..
زي ما قلت في نص كلامي..
بأقيد الشمعة واطفي النور.!!
ولا تستعجب ولا تتعصب..
تعالى نجرب مرة نقرب...
زي الليل ما بيخفي بلاوي..
ساعات النور في عينينا يلالي...
ويخبي وراه المستور....
لأ و آه مش هم سؤالي...
خايفة يضيع الحلم الغالي..
نبني الرملة بيوت وقصور....
إيه كل دا؟!!
عاجبك كدا؟!!
شكل عقلي هيرجع تاني..
ليه بتجيب سيرة الدستور...!!!
دستوركم يا اخواتي
يا اخواتي دستوووور
آآه .. يا ريتكم بقى قبلوا ماتمشوا
ما تنسوش تبقوا تطفو النووووووووور
!!!!!!!!!!!!!!!!!!