شهرزاد الثورة ..الحلقة التاسعة من الألف

أمن دوله
كان يا مكان يا ساده يا كرام
كان زمان عهد الملك البهتان
كان كرامه الناس بتتهان
واللى يعترض مش بنعرفله مكان
والتهمه سهله شغل جنان
أمر مكتوب بأعتقل هذا الحيوان
فكر بس تقول أنك أنسان
لا هيعرف طريقك لا أنس ولا جان
فرصه تموت بالمجان
هيا رصاصه بزند جبان
حظك حلو وبالألوان
كهربه ماشى وكله أمان
مش هتموت هوا يدوب قطلع لسان
لو مستغرب خش وجرب الأحسان
أحلا تحيه كل ما تحلم فى الأمكان
كرباج مسامير وهتتعلق فى الفضبان
وهتعرف أيه قمتك أنسان
لما يرموك لكلب يكون سعران
الله يا سلام لما يقولوا أحنا أسفين
بس خليك بس يومين أو شهرين
دا أحنا حافظينك بعيد عن العين
بص سيبك من المشيخه وخدلك نفسين
سجارتين حجرين وهتنسى أنت فين
لا تقولى عباده ولا تتكلم فى الدين
بص يا مؤمن أحنا من الأخر كافرين
هتبكى وتولول وتنزلك دمعتين
أمن الدوله مش بتاع زكريات
أمن الدوله بتاع معتقلين