نص البلا

بقلم : عبد العزيز ابو المجد
اتربينا في المحروسة علي ان نص البلا ولا البلا كله ونص العمى ولا العمى كله اللي نفسه اعرفه وافهمه ليه اصلا
وجود البلا هو مش مكتوب لنا نعيش الا مع البلا انا واحد من الناس ولاعايز نص البلا ولا عايز
كله انا عايز اعيش نظيف..ولا بلاش نظيف دى عشان منتفهمش غلط انا عايز اعيش محترم..
بعد تخلي مبارك عن الحكم ناس كتير سلمت قلوبها للجيش ولشفيق واللي عاملك جروب معا لاستمرار شفيق في رئاسة الوزراء والشعب والجيش ايد واحدة..
مع احترامى الكامل للجيش وطنيته واحترامى ايضا للفريق احمد شفيق ولكن ليه دايما احنا كشعب عايشين زى مرات الاسد يعنى ليه دايما بندور لنا علي اسد جديد مانصدق نترمى في حضنه ونرمى كل شيء عليه ونمجد فيه ونفخم
فيه وفجأة يبقي فرعون تانى ونرجع نشتكى تانى وكأنك يا ام عنتر ماجبتيش عنتر ..
ده اهم درس من ثورة مصر هو ان قوة الشعب اكدت انها موجودة وانها الاغلب يعنى مش محتاجين نترمى في حضن اسد ولا حاجة احنا المفروض نعيش دور المدرب ونروض الاسد ونوجهه
خلينا نتخلص من كل الافكار ومن كل اللي حصل في الايام اللي فاتت ونفتكر قامت الثورة في شكل تظاهرات يوم الثلاثاء وبعد مرور ثلاث ايام رابعهم هو الجمعة حدث دواخل جديدة وتعاملات جديدة مع تلك التظاهرات حتى اصبحت
انتفاضة اصبحت ثورة وظلت تلك الثورة ترفع في سقف مطالبها حتى ارادات اسقاط النظام لا وبالاخص الرئيس نفسه
كل يوم كان يمر كان يحمل ما لا يتوقعه احد حتى عندما توقع الجميع تنحى الرئيس خرج علينا بخطابه الهزيل الذي زاد الاحتقان ومالبس ان اتبعه بخطاب اخر ليعلن تخليه عن موقعه..نعم اشياء كثيرة غير متوقعة..
النظام السابق قد تفرع وتشعب بداخلنا وتعالي وتأمر وتآمر فكان له رجاله المنتشرة في كل مكان وكلما تعظم كلما زادت الرهبة وزاد الاقتناع باننا اضعف واضعف فنخنع ولكن الشيء ان زاد عن حده اتقلب الي ايه؟؟؟!
وبعد ما اتقلب الي ضده والشعب تخلص من خوفه وخنوعه وثار ...
بأى منطق نرضي ما يمليه علينا بقايا رجال النظام السابق ...
نعم ياشفيق لابد ان ترحل والان..اعلم انك رجل ناجح ولكن ليس مرغوب فيك الان ببساطة لانك احد رجال النظام السابق حتى وان لم تكن راعي للثورة المضادة حتى وان لم تكن تحافظ علي ركام النظام القديم من المحاسبات
المحاكمات ..
ببساطة قوة الشعب الان جلية ولا ينكرها الا اعمي واظنك فهمت جيدا مصير من يقف امام طوفان الحق ...
واظن اننا الان كشعب لابد ان يتغير فكرنا
لا لم نرضي بنص البلا او العمى نحن استطعنا ان نهزم الجبروت وسنستمر لنطهر ونحقق مكاسب الثورة
الشرعية ..
وقبل ما ينتهي المقال لازم اقول كلمتين مزنوقين في زوري بصراحة ولا فيه مايه ولا جاز هينزلهم..
مايحدث في ليبيا وماحدث في تونس وما حدث في مصر من دفاع للانظمة عن بقائها هو نفس الدفاع اجندات اجنبية ومندسين ومخربين وتعتيم اعلامى في اشارة الي ان تلك الانظمة لم تعي اننا نعيش في عالم به ثورة تكنولوجية
ومعلوماتية عالية وسرعة وصول الخبر بنفس سرعة الشهيق والزفير ولكن في الجسد السليم
ويا انظمة العرب انتم من كتبتم علي اسوار مدارسنا العقل السليم في الجسم السليم..فأين انتم من هذا الجسم وهذا العقل لقد تعفنتم وما نحن لنتعفن فلذلك ننتفض ونثور...!