خطوة فى الاتجاه الصحيح

لازم نحاسب بعضنا
جسم البلد اصبح جريح
محتاج ايدينا وحبنا
...ودا مش كفاية اننا
بالثوره قمنا كلنا
مطلوب عمل تانى وصريح
مطلوب نطهر شعبنا
م الانتهازى ومن لصوص
شغالة تسرق جهدنا
وقت انشغالنا بمصرنا
تنهب تمد لمالنا ايد
وكانها صبحت نهيبه
بلادنا لا مش طبعنا
لازم نقول للمفسدين
الدور عليكم جاى اكيد
ارض البلد ملك الجميع
ردوا الحقوق دى ملكنا
مش وضع يد وبلطجه
مصر النهارده مش هترضى
لاى لص يمد ايد
ان كانوا حكام مفسدين
او بعض ناسنا ومننا