نمت نومة طويله جدا وفي ثباتي شفت حاجة غريبه جدا أني ماشيه بنصف جسمي في اتجاه ونصف جسمي التاني واقف مستني يضخوا فيا شرايين الحياه قلت حاجة عجيبه فعلا ان راسي تمشي حرة وان رجلي تجري عاوزة وحدها تعدي القناه وشفت ناس كتيرة زيي ايدهم بتجري للشمال ورجيلهم بتجري للجنوب قلت يمكن الرياح ساعه هبوب فرقتنا قسمتنا كسرتنا ولا يمكن في الجنوب خطوتنا حتلاقي بيتنا طب دماغنا في الشمال واخده إيدنا نصفنا بيجري شمال ونصفنا بيجري جنوب طب وفي النصف اليتيم حلاقي ايه برده خط وهمي أو نقط في حدود خريطة ماهو يانا إما هابله أو عبيطة دا كنت عاوزة أمحي كل تفاصيل الخريطة وأشيل نقط رسمها غدارين وحوش مابيفهموش اننا نفس الجسد نفس اللغه نفس البلد ده التاريخ قال كده واسالوا الجندوانا قبل مايقوم التاريخ من مهدها الارض كده متلزقه قلب واحد والحدود متجمعه مش متفرقه احنا شفناها كده واللي بيشجعنا أننا نمشي كده متدغدغين مايتقسم هو ويمشي راس من غير عنين أو من غير ودان او يشيل قلبه ويرميه في الحيطان ولا هو حلو لينا أننا ندوق الفراق المصيبه المدهشه أننا فاكرينه حلم أو كابوس لادي الحقيقه المؤلمة أنك تأكل الفطار من غير غموس مأنت بعت كل حته في ارضنا للمشرفين والمحللين والقائمين والقاعدين بيطبعوا بلألف استفتاء غشيم ممكن هديه من غير فلوس أصل النفوس كتير بتخبي قصدها واللي بدع لينا الحدود سايب حفيد شارب أكيد نفس الدروس والأمر قالوه من زمان هالهلوا كل النسيج قطعوهم حته حته لقمة سهله تتبلع من غير تعب يالا العجب علي الفرح والهتافات والطبول قبل مايحطوا الجسد جوا التراب انا اول مرة أشوف الفرح وقت العزي أول مرة أشوف حفل تشيع الجسد جوا التراب ................................................لا لأي تقسيم داخل الجسد العربي دعوة للإتحاد والتحالف العربي كلنا واحد من المحيط للخليج مع خالص أسفي علي الذبيحة لنا الله لنا الله ياعرب