بتضحك ... بقلم الشاعر البكواتي

أيوة سمرة بس حلوة الملامح
أيوة ضحكتك بتموت الشوك اللى فيا طارح
انا اصلا مجروح بحبك مش جارح
اضحكى بس انتى قبل ما تمشى وانا مسامح
بتضحك رغم عيونها الدبلانين
عنيها بتحكى غرام العاشقين
أيوة بتضحك رغم جبروت السنين
خايف تضحك عشان تخبى عيونها الحلوين
بتضحك فيخلص الكلام
ويرقص قلبى ويقول لعنيها غرام
بعد ضحكتها تبدأ الأحلام
اول ما تضحك اعرف ان بدأ الاهتمام
ابقا عاشق وقلبى يبقا برج حمام
تسلم عنيها حكايات يرد قلبى سلام
بتضحك من صغرها ومدوخانى
بتضحك يبقا رافضة ولا عشقانى
يا سمرة عشقك وضحكتك كويانى
يا سمرة روحك ساكنة كيانى
بتضحك يبقا ضحكتها عنوانى