بلاش شماتة .. بقلم أحمد عزوز

البنت....اصحى يابابا..اصحى ياباب
الأب .....مافيش حس ولا خبر
البنت ......أصحى يابابا وهزته كام هزة
بابا....سكتم بكتم.....
البنت ....أصحى ياماما أصحى ياماما......
الأم......حرام عليك فيه أيه يابنت
البنت .....مبروك ياماما بابا توكل .......
الأم .....بتقولى أيه
البنت .....بصحيه مابيصحاش....أكلمه مابيردش
الأم.........أستنى يابت ماتخضنيش
البنت......أنا خايفة.....
الأم ........من أيه يانيلة مش بتقولى مبروك
البنت......ماهى برده عشرة ياماما
الأم........جتك نيلة ماهو كان مطلع ديك....ولا بلاش
البنت...بلاش أيه ياماما
الأم.....أسكتى....كلن مطلع عنينا وخلاص
البنت .....حرام ياماما
الأم.......حرمت عليك عشتك
البنت ...معلش معلش
الأم.....والنبى ده باين عليه متجوز
البنت.....ايه
الأم.....بقولك كده
البنت...مشمعقولة
الأم.......ده تحت السواهى
البنت...مشممكن
الأم.....بكرة كل شيئ ينكشفن ويبان
البنت....والله ده بابا طيب
الأم.....أمال بتقولى ليه مبروك يابنت ال.....
البنت.....ايه يامما بقى طلعت عصب عنى
الأم .....طب أسكتى
البنت......سكتنا
الأم......أصحى ياراجل هتعمل فيها ميت....
البنت....بالراحة ياماما
الأم.....مالكيش دعوة
البنت.....حاضر
الأم........أصحى ....كنت فين امبارح وكنت سهران فين
الأب......لاصوت ولاخبر
البنت.....ياماما
الأم......هتسكتى ولا
البنت.....خلاص
الأم.....وبصوت عالى جدا......أصحى
البنت.....ياماما....أناسامعة زى شخير بسيط
الأم.......شخير
البنت ....آه
الأم.....ده باينه حى
البنت......ماما
الأم ...ايه يازفت الطين
البنت.....انا خايفة
الأم ....من أيه
البنت....أحسن يكون سمعنا
الأم.....ماتخافيش
البنت.....خايفة
الأم.......أستنى
البنت.....طيب
الأم.......بصوت عالى....اصحى ياراجل
الأب.......خخخخخخخخ
الأم.......قوم جتك قوامة....وهزته هزة جامدة جدا
الأب......خخخخخخخخخ
الأم........وشخطةشديدة سمعت الجيران....قوم....فذ قوم
الأب......ايه ياولية فيه أيه
الأم......وجتك نيلة
الأب.....ايه
الأم......كنت عامل فيها ميت
الأب.....ياولية الشخطة بتاعتك مشت عزرائيل
الأم......ياراجل
البنت.....بابا
الأب .....جتك بو
الأم.....قوم ياراجل قوم
الأب.....عزرائيل ساب المنطقة وجرى من صوتك
الأم......بقى كده
البنت.....بابا
الأب.....أسكتى يابنت ال.....
الأم......خلاص ياراجل بقى
الأب.....لأ مش خلاص
الأم.....يعنى أيه اللى حصل
الأب......سمعتكم وأنتوا بتقسموا التركة ياولية
الأم.......هو الميت بيسمع....
الأب......شوف الولية
البنت.....كنت بصحيك وأتخضيت
الأب.....أتخضيتى ولا فرحتى
البنت......بقى كده يابابا
الأم......خلاص ياعبده
الأب.....ماتغنيها أحسن يابوسى
الأم.........ياسى عبده
الأب.......ياولية يابنت اللئيمة
الأم.......سى عبده
البنت.......بابا
الأب.....بته لم تبتك أنت واللى خلفوكى
الأم.....ماتغلطش ياعبده
الأب......بس
الأم.....بسينا
الأب......سمعتكم
الأم........كنا بنعيط
الأب.....ياولية ...ياولية
الأم ......والنبى ياعبده
الأب......ولا كلمة
الأم.....خرسنا
الأب.....سمعتك بتكلمى ابنك في التليفون
الأم......طب أعمل أيه
الأب......تقومى توقولى له...تعالى عشان هنزوع الفلوس اللى في البيت
الأم.....والنبى ياعبده ماقلت
الأب......سامعك ياولية
الأم......هو انت بتسمع وأنت نايم
الأب......ماكنت ميت من شوية
الأم....تعيش ياعبده بعد الشر انشالله عدوينك
الأب......بس
البنت.....والنبى يابابا
الأب.....سكوت
الأم....معلش
الأب......شوفوا بقى
الأم.....ايوة ياعبده
الأب.....أنا عرفت أمنياتكم
الأم......لا ياعبده ماتقولش كده
الأب......أنا كنت عامل حسابى لليوم ده
الأم.......ليه بس ياعبده
الأب.....انا أنجوزت...
الأم.....يالهوتتتتتتتتى
البنت......ياماما
الأب.....ومعايا ولدين
الأم.......يالهوتتتتتىىى
الأب.......ومافيش فلوس في البيت
الأم......ألحقونا
الأب.....ايه ياولية...من حقى
الأم.....من حقكك.....ووطت تجيب الشبش.......
الأب.....بقى كده
الأم.....وأكتر من كده
الأب.......طلع يجرى في الشقة والبنت والأم وراه
الأم......بصوت حيانى ......الحقونا
الأب.......نط من البلكونة.....
سرينة الأسعاف تملأالمكان....وسرينة البوليس أيضا....الأولاد جميعهم تجمعوا.....بنت وولد من الأولانية ...وولدين من التانية.....والناس تنتشر في المكان.....وخناقة وصويت بين الزوجتين.....كان مدارى على الأتنين.....ودى تقول أبن الك......ودى تقول ابن....ال.........وماسكين في شواشى بعض.......
بيبصوا من البلكونة.....شافوا واحد
من الأسعاف ...مطلع لسانه....وبيقولهم باى....رايح عند مراتى التالتة..............باى......باى.............
تم أسدال الستار .......