عودة المدارس.. و بداية المعاناة

بداية المعاناة وعودة المدارس والموظفين والعاملين بالدولة السكسونية .يعنى شعب حيصحى كله مع بعضه وينزل فى نفس التوقيت ناس رايحة مدارس وناس رايحة شغلها وناس على فيض الكريم نازلة تسترزق وتقلب عيشها والجميل كله بينزل مع بعض وكله حيرجع مع بعض وتبدء رحلة الكفاح مع الموصلات اللى زى الزفت وبتوع المرور اللى نايمين فبيوتهم والبشوات بيصحوا عشرة صباحا وصراع رهيب وتكدس فالموصلات وكله عاوز يلحق يروح لهدفه اللى مرتبط فيه بوقته
يعنى هرج ومرج ومفيش اى نظام لا الحكومة عاوزة تظبط مواعيد وتوقيت الذهاب للمدرسة لتخفيف اعباء المرور والمواصلات ولا تظبط مواعيد ذهاب الموظفين وصحاب الاعمال الحكومية وغيرها من الوزارات اللى بتعمل فى الدولة الغير منظمة .. وتعالى بقى واحنا راجعين هباب ونيلة فى للمواصلات ومعاناة وزهق وقرف وكل حاجة عاوز تقولها قولها
بخلاف وزارة التربية والتعليم وجدولها الفاشل واللى مصممة بيه ان حضور الطالب كل يوم هوا اللى حيخليه يركز ويفهم ويستوعب طب يستوعب ايه ؟؟ منهج الاعدادى بيخده طالب ابتدائى ومنهج ثانوى بيخده طالب اعدادى وكتب بالهبل والعبط والاخر بعد ما يتعلم يطلع يقعد جنب اخواته العاطلين ولا تربية ولا تعليم ولا اى كلام فاضى غير ان الدولة بتفرض علينا التعليم بجهل والاخر خالص رصيد كلمة تربية صفر ورصيد تعليم محامى ومهندس سواق تاكسى ودكتور شغال فى صيدلية يا لو له حد معرفة يشغلوا فمستشفى خاصة سبع نجوم ..
فشل في تربية وتعليم وما بعد التعليم ووخدانا العنتظة وبنقول احنا واحنا واحنا ولا اى حاجة ومتعلمناش من اى دولة اى حاجة ومثل بسيط فى بعض الدول بتعلم اول تلت سنين ابتدائى اصول التربية والاحترام قبل ما تسلمه كتاب واحنا هنا بنعطى الكتب واكنه حيطلعوا فوكالة ناسا والاخر صفر والحكومة بتقول اشتغل اى حاجة وبعد ما يتعلم تساله مين صاحب قانون الجاذبية اللى يقولك معرفش واللى يقولك ياعم فكك انا لسة حفتكر احنا خدناها زمان
عليه العوض ومنه العوض كلها مشاكل من ??سنة مش عارفين نحلها وبنتكلم على الحضارة واننا اصحاب تاريخ وواضح اننا حناخد اكبر جايزة فى الاخر فى الجهل والفقر والفساد وفتكبير الدماغ ويجعله عامر ياحگومة المراجيح .