الحقي يا ام انور .. بقلم محمد الوكيل

الواد اسلام بيحدف
شيوخ الاسلام بالطوب
بيقول على أبو حنيفة
معفن وابن حنبل فكره
عجوز كركوب
يا نهار ابوه اسود
ودوني ليه فورا اعمل
معاه مناظره بعدها
يضرب نفسه بالمركوب
.
.
يا اسلام يا بحيري
الإسلام مش سلم
يطلع عليه اللي عايز
يدخل للناس ف القلوب
انت خليت من الأدب
وكلامك ليه العجب
انت بتعيب عالناس الميته
ولسانك بحر من العيوب
واذا كان الحق معاك
في كلمتين انت ضيعته
بحالك ولبست لبس الذنوب
يلعن أبوها الفضائيات
بتسب في الإسلام وسايبه
المظلوم في أرضه والمهضوم
في حقه ومغميه عينها
عن المجاعات
الله يرحم زمان وليالي
زمان لما مكنش عندنا
غير لعبة التعلب فات
وفي ديله سبع لفات
الله يرحم مبارك ابو حسنه
وحيده كان خارس أمثالك
وكاتم صوت اللي عايز
بالدين يقتات
طفي الهباب التلفزيون
وقوم يا موكوس شغل
الراديو دي إذاعة القرآن
أفضل الإذاعات
لا فيها شات ولا فيديو
ولا دلع بنات مراهقات
يا رب سامحنا ان سكتنا
عن قول الحق في زمان
العدل فيه من الأموات