حوار الطرشان جدا ...راقصات الدوله على العين والرأس!!

بقلم علاء الغندور
أطرش1:امبارح كان فيه مسئولين كبار فى المطار لتوديع الرقّاصة سوسو مهلبيه اللى مسافرة بريطانيا عشان تتعالج هناك من احمرار قفاها وكل واحد من المودعين مقدم باقه ورد مع الشيك المحترم ومعاه كل التسهيلات و 3 مرافقات معاها عشان يسّلوها و لما سألتهم عن د.أحمد عمر هاشم رئيس جامعة الأزهر السابق و عن البطل جمعه الشوان اللى عادل أمام مثل شخصيته فى المسلسل اذا كانوا مسافرين معاهم فى نفس الطيارة قالولى : فوت علينا انت و همه بكره يا سيد و يسافروا ليه؟ الميزانية لا تسمح و على رأى :احمد نظيف: ويسافروا يتعالجوا بره ليه ؟ الا يوجد ليهم علاج فى مصر المحروسه؟
*أطرش 2 :مفروسة..مفروسة ايه؟ المفروسة دى أم سعوديه كانت راكبة السيارة مع ابنها اللى كان بيبوس ايد امه داخل السياره و هجم عليهم جماعة الأمر بالمعروف والنهى عن المنكر و قبضوا عليهم و اتهموهم بممارسة الدعارة فى السيارة..الخبر ده منشور فى جريدة الشروق فى مصر29 ديسمبر2010 و انا مش فاهم همه عملوا كده ليه؟ يكونشى نظرهم ضعيف؟
*أطرش 3 : خفيف..خفيف ايه؟ ده كان طبق طائر صغير و لطيف و كان طاير فوق الهرم
ولقيت واحد بيشاور لهم و بيغنى لهم خدونى معاكم..خلصونى من البلد دى..خلصونى من مراتى و من نكدها..كل يوم تنكد عليا عيشتى..انا مش منقول من هنا الا لما ييجى الطبق و ياخدنى معاهم و اتجوز من هناك سنيوره كده و حلوة و غندوره خاليه من النكد ولو مراتى سالت عليا قولولها سافر و خلع...يا ترى كم زوج يتمى انه يكون سافر و خلع؟
• أطرش 4: قلع..هوه مين ده اللى قلع..يا عم الدنيا برد..البس يا راجل..عيب عليك استحى..و الا انت هتعمل زى مدّرسه اسمها ميرفت فى مدرسه ابتدائى و اجبرت 3 تلميذات فى المدرسة الابتدائى على خلع البناطيل امام زميلاتهم فى الفصل عقابا ليهم عشان مالبسوش الزى المدرسى الموحد و رجعوا البنات عريانين من غير البناطيل..صباح الخير يا معالى الوزير..انت بطلت تلّف على المدارس ليه؟الظاهر ان المدرسه ميرفت دى كانت عايزة تجيب بناطيل لبناتها و معاهاش فلوس قامت اخدت بناطيل البنات !!!!
*أطرش 5*ستات..ستات ايه و كلام فارغ ايه..و همه دول ستات..تعالوا شوفوا المطربة الفرنساويه اللى اسمها ليدى جاجا و كانت ماشيه شبه عريانه فى شوارع باريس ولا بسه جاكت جلد و بس..آه سلبوته و من غير لى حاجه تحتيها..و جت فى برنامج امريكى اسمه زا انسايدر و صوروها وهيه ماشيه.سلبوته و الرجاله ماشيه وراها تبحلق فيها.
سبحان الله الجميله بتتعرى رغم أن جمالها واضح و سألنى أحد الخبثاء وقال :اذا كانت دى ست أمال اللى عندنا يبقوا ايه؟ يبقوا أكيد غفر ؟
• أطرش6 : ظفر..ظفر ايه يا عم؟ دا ريئس اسرائيل السابق ظفر بأغتصاب عشر موزز اسرائيليه خلال فترة حكمه و لما واحده تقدمت بشكوى ضده..ادانته المحكمه و سحبوا جواز سفره . و فضحوه و جرسوه فى كل حته...يا ترى ده ممكن يحصل عندنا فى اى دوله عربيه..؟صباح الخيييييييييييييير..وسلملى على الحصانه.