يا وزير الصحة صح النوم

ياوزير الصحة يانايم فى العلالى وسايبها بتلالى أنت فين وبتعمل ايه وعايش أزاى وليه طيب بزمتك ياسيادة الوزير ينفع الكلام ده يعنى سايب المستشفيات الحكومية تموت الناس وقولنا ماشى فرصة العدد يخف شوية والبلد تروق والعلاج يزيد وقولنا ماشى يمكن الراجل عاوز يطور المستشفيات وللاسف علاج التأمين الصحى بيزيد الحالة سوء والدكاترة الكرام يتعاملوا مع المرضى بطريقة وحشة وقولنا معلش مرتبتهم قليلة والحالة صعبة والدكاترة الكبار الكشف ب400 و500 جنيه وبالحجز قبلها بشهر يا تلحق ياتموت واغلبهم رؤساء اقسام فى مستشفياتك الحكومية
وقولنا غلابة بيزودوا دخلهم وبيدفعوا اقساط شاليه الساحل الشمالى وسايبنهم يفشخوا الغلابة ده غير المعاملة الزبالة والاسوء الممرضات اللى معندهمش خلفية بالتمريض وطول الليل هزار فى حجرات الدكاترة والمريض بيصرخ وتنادى تقولك حنعملوا ايه الدكتور حيمر الصبح والحمامات وقاذرتها والصراصير وحاجة اخر عفانة والاجمل من كل ده الايام دى كل المستشفيات الحكومى فيها زواحف تعابين وبراص وسحالى هى وزارة الصحة منتظرة يطلع من المعامل ديناصورات وتنين بيطلع نار من بوقوه الا ده عادى ولا دى فقرة السيرك فى المستشفيات الحكومية والمستشفيات الخاصة لارقيب ولا حسيب وسيبنهم يعملوا حياة الناس وصحتهم تجارة انتم بتعملوا ايه ووظفتكم ايه ده حتى دكاترة الحجر الصحى فى الموانى بيدخلهم حلويات من الصين مجهولة الهوية وعليها الوان بتعمل مصايب فى الاطفال والحجر الصحى بيوفقوا على دخول ده عشان الرشاوى ويركبوا عربيات ولا فى رقيب ولا حاسيب ولا وزارة الصحة ولا وزير الصحة هنا وكله فى البنج ... ياوزير الصحة ازى الصحة يامعالى الباشا الدك ... تور