هاميس آخر عرائس النيل

أنا هاميس آخر عروسة نيل
ياما جابو سيرتى
لما كان يجف النيل
ياما قالو عنى
كتير فى المواويل
النيل خطيبى ... غضب وكشر
وقال هاتوها .... مش قادر أفكر
ولا قادر أمشى ... ولا عايز أتحرك
ويا ويلكو منى ... لو أخرتوها
إوعو تفتكرو هتقاسوها
ولا يوم هنساها... مهما عنى بعدتوها
تعالى لي ياحلوة ... ياست البنات
ياسكر ودايب
يا أحلى الحبايب
تعالى غنيلى
سهرى مواويلى
وقولى وعديلى
عشقك يسهر ... وخمرك يسكر
سحرك ....
آه من سحر عيونك
من سكون جفونك
من همس كلامك
آه منه غرامك
تعالى تعالى .... أوعى تتعالى
أنا أملك ومناكى
وهوايا هواكى
وكل أحلام الغرام ... هحققها
بيكى ..... ومعاكى