يعنى ايه ... قصيدة بقلم مرفت حمودة

يبقى حبيب
وانى أقتّل فى الحبيب
وأكفره
يعنى ايه ان ضياء النيل
يبقى سواد
وبدال ما بيخضّر فى طينه
يصحّره
يعنى ايه ان الولد مكفنينه
بالعلم
وكل ذنبه ان حبه
دمره
يعنى ايه لما الرجال الطيبين
يدّوا الآمان
واحنا بعزيمة
نغدُره
يعنى ايه ويعنى ايه ويعنى ايه !!
طيب ما تيجوا ننشر الحب
اللى كان
نزرع بذوره
نكبّره
نقلع جذور الشر
من بين القلوب
نردم عليه
ونشفره
نكشف ستار الخوف
من المجهول
و المستحيل
حنعبره
نعمى عيون مدسوسة
غدر
ننشر قناديل الطريق
وننوره
ليه ما نمحى غربان الظلام
اللى نابشة العمر
عاوزة تمرره
ولا يعنى هى عيبة
لو حياتنا يوم تعود
وطريقنا يرجع اوله