قصيدة (دستور من العفاريت)......بقلم الأديب المصري / بلال علي الديك

دستور يا أسيدنا
هيطلع العفريت
ويبيض معاه كتاكيت
دستور يأكلنا
ويكون مع عيالنا
زهقنا م الفتافيت
أنا أصلي متغرب
عمري الِ ضاع قرب
نفسي أشوف عفاريت
تتلبس الدستور
وتكشف المستور
واقف أنا في الدور
بتمني أشوف دستور
يعوض الأيام
والغربه والأوهام
وناس هنا بتقول
دستور مع دكتور
نفسي أكون منصور
صوتي يعيش في النور
بين شلة العفاريت
ما هعيش أنا طرطور
يمكن في ثانيه أموت
لكن بلادي تفوت
بكلامي ببني بيوت
يا وطني ضد الحوت
يمكن هيبعلنا
خادع ويخدعنا
لكن يا رب التوت
أمري إليك والصوت
تحمينا م العفاريت
قبل انهيار البيت
وتجمع الحتاحيت
بلال وعبده وزيد
احنا يا رب عبيد
وحروفي شمعه تقيد
بتلف ويا ساعات
والشعب كله يا ريت
يصاحب العفاريت
ونبني سقف البيت