روميو العصر مقطع مصر... قصيده بقلم محمد مصطفى الهلالي

أنا واد دبور
وهلف هلف
آلف وأدور
وهعدي موانع
هنط جسور
سور ورا سور
....
من بنت الجارة لبنت الحار ه
ل بنت الشارع حتي الغيط
وبنت الهانم بنت الايه
واعر وغويط
وماليش أبعاد
وبظبط أي مزز لجيران
وهظبط اهل المزه كمان
البدله إيجار
عربيه كمان
والشقة بعيد
وإيجارها جديد
سنتين وارميها
في أي مكان
جامد وحويط
في اللف محيط
والقلب يساع
مليان اركان
تدخل أشجان
تخرج افنان
تسكن روقه
.تستني سعاد
وتمر عبير
تتهني سهير
وان جت افكار
تلحقها هدير
الدنيا موزز والبحر كبير
ماليان أسرار
**********
شفتها شفتها
ولوحني كمان رسمها
جسمها دي جنان
وحلاوة ف بادي
ناقصاه لاكمام
قابلتني جميله
وقولت تمام
وعشان وعدها
رفرف قلبها
وشقطه كمان
لميت الهوي
من عندي كلام
ودي صنعه ف صغري
سقيتها هيام
والبوح من ورق الجنة هيام
..
قصرت الكم
رفعته لفوق
ولبست الكوتشي
مفيش شرابات
انا واد جمد
اخر طلبات ..
....
لا حليم ولا عمرو
ولا حتي فؤاد
لاسلام لا كلام
انا واد فنان
جامد واعر
والفكر دا حاجه مابعرفهاش
الفكر طريق
غريق وغويط
وثقافه ايه دي متلزمناش
قضيت العمر بلاش في بلاش
لا بقول ولا اعيد
ولا عندي صديق
انا بس لوحدي فريد ووحيد
ولوحدي جنان
انا واد فنان
......
انا طير مطلوق
في السما مخلوق
وماليش ع الأرض
دليل لمكان
ماعرفش عشوش
العش خنيق
لو حد حدوده
مكان ورفيق
انا كده في براح
سواح في مداح
...
وعشان شفتها
خدتها رمشين
وقعت سورقت
عديت للبيت
سمكه وبحرها
جابلي طعمها
جاتني وانا جاي
اطرح مواويل
للحب بقيت ارقام ودليل
شغل التليفون
وموبايلي عنيد
عده وارقام
مليان الحان
بيغني منير
كاظم وحليم
ويقول احلام ولا شغل زمان
..والنت هوايه لصيد زغاليل
برسم حواديت
واسبكها تمام
اسرق اشعار
وكلام لاغاني في قلب الليل
تعملي الاد القاها سهاد
واغاني كلام
وابعتها لنورا
تدوب اكرام
تطلبني سهي
للوعد دليل
متوفر قلبي علي الصفين
مادام الكدب ملوش رجلين
الفيس خلاني بالف دليل
...
دنيتي وعايشها بطول وبعرض
ماليش في الخنقه
ماليش في الهم
يومي بقضيه وحياتي كده بالطول والعرض