عفركوش ابن برتكوش

بقلم ....حسن سعد حسن
أعتقد كده
إن قتلة الثوار
كانوا يرتدون (طاقية الاخفاء)
مرددين كلمة السر( البرلم)
أو إن (عفركوش) ابن( برتكوش )إ للى كان فى الفانوس السحرى
رجع تانى لما حد مسح المصباح بإديه إللى تستاهل جوزين أساور حديد ،ورقبة عايزة كرافته من نوع ( حبل المشنقة )!!
،وطلب منه قتلهم
،أويمكن حد من الجماعة إللى بسم الله الرحمن الرحيم
(إللى تحت الأرض)
اجعل كلامنا خفيف عليهم
حابس كابس قالع لا بس
الرضا ،والسماح يا سيدى يا سفاح
اشتاتن اشتوت خف يا كتكوت
هو إللى عمل كده ..!!
طيب الحل إيه؟!
- نفتح المندل
-أو نقروا الفنجان
- أو نشوف واحد خبير فى قراءة الودع
أو نعملوا زار
أه زار بتستعجبوا ليه؟!
ونشوفوا طلبات الأسياد
ديك رومى برجل واحدة
،ولا ( خنفسة ) يتيمة
،وعامله با ديكير، وما نكير
- والله فكرة
وأه يا أم شهيد
حقلك إيه؟!
غير
حسبنا الله ،ونعم الوكيل
لا تنسوا قراءة الفاتحة على أرواح الشهداء