غردى يا طيور الصباح

غردى يا طيور الصباح
هللى وإفرحى وطيرى
شعاع الشمس وضاح
طيرى لعنان السما
ظلام الليل ولى وراح
...حطى على الغيطان
وإتوكلى على الفتاح
إصحى وقوم يا بن آدم
الفجر أذن ونوره لاح
لبى نداء المؤذن
الله أكبر حى على الفلاح
كبر وصلى وسبح
وإتوكل على الفتاح
الرزق مقسمه ربك
لكل حى مناب مرتاح
النمل فى بطن الحجر
الطيور فوق الشجر
الحوت فى بطن البحر
الثعبان فى الجحر
الرزق للكل متقدر
قسمه العادل الأكبر
إحمد ربك وأشكر
وإوعى تتمرد وتتكدر
لازم ترضى وتصبر
بكره رزقك يزيد ويكتر
وتعيش الحياه مرتاح
إوعى فى يوم تكسل
بجهدك إبنى وعمر
إزرع الصحرا وخضر
الخير يعم ويكتر
والكل يعيش مرتاح