هي دي كل الحكاية ....... بقلم ابو غياث المليكي

آهِ يا مَا
آه يا شُوقي
آه ياليْ
بَسمِتك ِتشفي حُرُوقي
قَلبي ُقدامي يِسافر
**********
آه ياليْ
رُحتي عَني
وانا بَعضِك
وأنتي كُلِي
آه ياليْ الجَنه ِمن تَحتِك بَشاِئر
*******
فِين ُتروحِي
ياليْ سكَنَه
وِسط رُوحي
وانا لِسه سِني عاشرْ
لِسه مِحتاج ِاني اشُوفِك
تِمسَح الدمعه كُفُوفِك
وأرسِمِكْ وِسط الَدَفاترْ
*********
ليِهِ تِسيبي النَاس تُقطُف زَرعِتك
وِتنَتسيها طَلِتك
والألَم هوَ الليْ صَاير
******
شُفُتهُم بالبيت بِيبكوا
قُلتْ ليه؟
قَالوا رَاحِت
قُلت فين؟
قالوا عَندُه
مَهما قَالوا
هافضَل اسْاَل
طُول عُمري ِليه ؟ وِليه؟
*************
مينْ هَيرسِمْ
فوق شعري لوحته؟
ومين هيفرشلي الملايه؟
ومين هينزلي المرايه؟
ومين يشوف
من على الشباك ورأي؟ا
**********
ومين هيخترلي العروسه؟
ومين يجهزها ويفرح؟
ومين هيمسك لي بأيدي
لما تغمز لي الصباي؟ا
مين هيمرض لو مرضت
ومين هيشفى من شفاي؟ا
************
ومين هيبقى ارض زرعي
ومن هيبقى نور سماي؟ا
مين هيستناني
لما اليل يليل؟
والكلاب حولي تميل
وأنا مش لاقي غطايا
***************
مين هيصحى الفجر
يكوي لي هدومي؟
ومين بوسط الشمس
يستنى قدومي؟
ومين هيعملي الفطائر؟
انا ياما
مهما بكبر
ولا اصغر
ولا اكون في الحب شاعر
********
بس أنتي
أحلى حُب عندي كنِت
وكنتِ لما احتاج زندي
وكنتلي حبة دوايا
********
ليه رحلتي
وأنا لسه العظم لين
ما معي غِيرك حِنين
يالي عرشِك في الحنايا
*****
لما أشوُف أصحابي يحكوا
أمهاتهم
حَطَه ليهم
ِقشطه بيضاء في الَشطائر
فوق خًدودي
لونه احمر
دمعي زي البحر حائر
*******
لما متي
وحده تانيه
حطه صورتها مكانك
واللي كان يبكي عشانك
قفل البيبان وساهر
*******
ضحكته تحرق وداني
وهو بيقول ده عشاني
اعمل ايه
والكذب ضاهر
*********
جاني يوم والكلمه مدفع
قلي يكفي
العلام ما عاد بينفع
احترق عندي بكايا
**********
بعدك الحيطان بتبكي
وانا بين الحيطه زائر
الغريبه اليوم بتحكم
كل شئ في البيت وتشكم
والي كان جوزك مساير
************
شفت بعدك
كل جرح وكل غصة
والدموع نزله وقصه
بس انا شايل وصابر
*********
لسا فاكر لما قلتي
يوم هيجيلك وتبكي
مش هتلقى حد ناصر
*********
لما ابكي ولا اغضب
مين على الأكتاف يطبطب
ولي كل وقته معايا
*********
مين هيفهم ألي أعاني
ومين يسمعني الأغاني
فوق فراشي
وبين ايديا
*********
مين لو اندهله يجاوب
ومين لو ألكلمه خنتني
ما يعاتب
ومين عشاني راح يحارب
والي بعد الله رجايا
************
كلهم راحوا وسابوني معلق
بين جراحي
وبين دموعي اللي بتحرق
وأنا تحت الهم اغرق
منتظر منك هدايا
**********
اها يا ما يا حبيبتي
كان موتي
لما متي
وهي دي كل الحكاية