بابي .. مم عاوزة أشتغل حاضر , من بكرة نقدم في القوى العاملة ههههههه عاملة مين يا كبير و أنت تعرف عني أن ده طموحي ؟؟ حضرتك عارف أحنا في القرن الكام؟؟ مش فاهم أفهم حضرتك , مش هتكلم عن راتب الحكومة اللى مش هيقضي سوورى يعني باكو شيكولاتة بس فكرة مكتب ممل و روتين عقيم و شغل مبتحبوش عامل زي السحابة السودا ضباب و خنقة مقدرش أكون إلا أنا عاوزة شغل يحسسني بأني كيان ليه أهميته في الدنيا دي , بمعنى بمعني أني مش هقدر أقدم هناك طلباتك يا ستي هقدم في الخاص والاسثماري لو حبيت تساعدني يا كبير بعلاقاتك يبقى كتر الف خيرك و متخافش مش هعمل فيها دور شهيدة الواجب وأقول لن اعيش في جلباب ابي ده أنا أعيش و أعيش و أعيش يا قمر أنت مممم هو أنا واخد منك غير خفة الدم بتاعتك دي ماشي يا عصفورة نشوف بعدها بكم يوم .. ها يا مامي أيه رأيك قمر يا حبيبتي مامي أنا مبسوطة أوي , أدعيلي ربنا يوفقك يا حبيبتي ألف سلامة مساء الخير يا بابي ازيك يا حبيبتي أيه الاخبار بص يا كبير .. جميل أوي أنك تحس انك مسئول عن كيان كبير ولوحدك وتثبت وجودك بسرعة غير عادية مشكلة الشغل الخاص أنه بيستنزفك لكن بتحس في ساعتها قيمة اللى بتعملوا أنا مبسوطة أوي يا بابي و أنا مبسوط جداً لانك بتتقدمي بطريقة جميلة جدا بغمزتها المحببة لقلبه و لسة يا بابي مبروك يا حبيبتي .. بصراحة عريس جميل جداً و صعب ترفضي المرة دي غني و برستيج حياتك مش هتتغير على المستوى اللي أنتِ عايشاه وكمان واد حليوة يا حليوة أنت ماما دي بئت أوفر أخر حاجة [:)] مبروك بجد ميرسي يا مامي متحرمش منك بعد 15 يوم زواج بص ليها نظرة غاية في الرقة و النعومة أيه الجمال ده .. أيه الشياكة دي و قالها هو حبيبي رايح فين على الشغل يا حبيبي أجازتي خلصت بجد ؟؟ اه و الله هو انا مقلتلكيش أيه .. خير ؟؟ مفيش شغل من النهاردة البنات الحلوين اللي زيك يفضلوا في البيت و أول ما فاقت من إغمائتها الطويلة علقت عينيها في السقف بنظرة متخلفة جداً وقالت هو اللي حصلي واللي لسة هيحصل ده جد ولا أنا بحلم مش حاجة تفرس [:(]