بعشقك يامصر ...... بقلم ايات محي الدين

ربنا فوق كل شئ بس العيب كان مننا
بهدلنا روحنا ونفسنا
وقعدعنا ادينا 30 سنه نشرب مرار ونقول هنا
ونبات عرايا مهتوك عرضنا
ولاحد بيحوش عننا
وسبنا روحنا بنفسنا
لكلاب بتنهش لحمنا
من النهارده مفيش ندم
واللي سرق راح ينعدم
ومن النهارده يا مصر فوقي
حبك يابلدي داخل عروقي
ارضك خلاص رجعت ليا
راح ابنيها وازرعها واحصدها بأيديه
وتعوديلي يا مصر تاني اجمل صبيه
تملى القلل وتميل عليا
وتمد ايدها مابين ايديا
ولا تحزنيش ولا تبكي تاني
خليكوا مليانين امل ماهو مش قليل إل اتعمل
بس الاهم نفضل صح
منقولش ثوره والباقي بح
احسن ماكل دا ينمح
ويروح علينا بمفيش
ودم شهداءنا يروح مفيش
وساعتها كله ينزل علي مفيش
ونبقي شعب مفيش في مفيش
مش عيب عليك يبقي مفيش
كدا اي مبدأ عليه نعيش
يا شعب غالي وشعب عنيد
بينا يلا نبدأ من جديد
اهلا بيك يا نهار سعيد
ويا مصر طلي بتوبك الجديد
ماعدتش في وزرا ولا عبيد
ولا حكم طاغي ولاحاكم شديد
مبروك عليكي الثوره يا مصر
بقي حبي ليكي ملوهش حصر