أبوالرجال

أبو الرجال يا ابوالرجال
أنت مين يا بو الرجال
جواب ولا السؤال
حقيقه أم خيال
جد أو جدال
أكيد مش احتمال
حرام منتاش حلال
بتضييع في الآمال
وتضلل في العيال
وتهد في الجبال
والدم ده اللي سال
ع اليمين وع الشمال
ذنب مين وم اللي شال
جيشنا .. من المحال
والشرطة رئيسها قال
حاميها مفيش جدال
شماعة والحبال
اكيد ده ابو الرجال
ونعيد تاني السؤال
فين انت يا بالرجال
مين انت يا بو الرجال
زرع شيطانى نبت !
عفاريت م الارض شبت !
ريح غريبه هبت !
مخاليق من فوقنا طبت !
لما شافت فرحتنا كبرت
جنونها علينا طلعت
نار غيرتها حرقت
حاكمنها ولا حكمت
صوت الحقيقة سكتت
ومفيش غير كلمة قدرت
هفتانه وخجلانة نطقت
وقالت ده ابو الرجال
ابوالرجال يا ابو الرجال
انت مين يا بو الرجال
يا خساره وتاجرنا فيكي
ورضينا بخاطرنا بيكي
نقلب ونبوس ايديكي
وروحنا بقت تحميكي
امتى راح نقدر عليكي
يا فرقه طز فيكي
الحلو ضاع حوليكي
ولا جانى غير ايديكي
كله وهم وخيال
بلطجي و ابوالرجال