اجمل اختراع في الدنيا ...... خاطره بقلم محمد مصطفى الهلالي ..

...... اضحك... كلما اقتربت من بيته .دوما يجلس في الفرانده الخارجيه
للمنزل. مطلا علي الشارع الذي يمر من تقاطع البلد الرئيس مع الطريق
الزراعي المؤدي للقناطر الخيريه او كما يسمونه خط 12 .
..كان الضحك يصل الي القهقهه لو صادف ورأيته .فيقف منتصبا ويصيح بي.. يا
ابن فوقيه.. ياقليل الادب .ادخل هنا بسرعه ..وبطل مسخره ..كنت اقع من
طولي ولا اتمالك نقل خطوتي الا الي داخل المنزل ولا استطيع ان انقل
عذرا... فأنا لااستطيع الفكاك من لعناته التي ستصاحبني لو لم ادخل اليه
..
...كان الطريق دوما الي الفرانده.. ممهدا بلا عوائق.. فهو يقبع وحيدا في
ذاك الطابق الارضي وام العيال في الدور الثاني ولا تنزل الا نادرا اما
تضع له الطعام علي السفره في صاله الشقه او تجهز له الشاي او القهوه ..
/ سألني...هتشرب ايه ؟
./.مش عاوز حاجه .
/.طيب بتضحك علي ايه يا ابن الحزينه. .
/.كنت بضحك علي اللي قولتهولي امبارح .
/.امال لو عرفت اللي حصل بعدها.. هتعمل ايه ياشبه امك ...
... دخلت ام العيال بعد استأذان لتضع الماء البارد .صينيه النعناع الاخضر
..الاكواب علي الطقطوقه الجانبيه وسالت.. هتشربو حاجه؟؟ ..شوفي ابن خالتك
هيشرب ايه؟ .هزيت رأسي رافضا.. فأنصرفت ...ثم اكمل كلامه
/...بعد مااتخطفت مني البتاعه امبارح.
./.بتاعه ايه ؟
../ اجمل اختراع في الدنيا!!
./الحاجه اللي طولت رقبتي في بيتي ..خلتني اعرف اشخط وازعق ....اعلي صوتي
ع العيال ..
/.ايه اللي حصل طيب فهمني ....
وانا خارج من صلاه العشا.. قدام عيني كدهو!! راحت مني !! ومقدرتش ااقول
انها بتاعتي ..روًحت ع البيت متنكد.. وهيه بنت النكديه ؟ قاعده جنبي طول
الليل ....تقولي مالك؟؟ ااقولها مفيش .....تقولي مالك ؟ااقولها مفيش..
قولت لها غوري بقي بعيد عني ..
..هو انت تعبان يا أخويا ؟.. ااقولها لا..... تقولي خدت حبايه الضغط...
والنص حبايه بتاعه القلب.؟. ااقولها اه.. خدتو خدتو.خدتهم .. يابنت
بهانه.. ارتحتي ...
..صليت العشا في الجامع والبتاعه وقعت من جيبي ع السجاده ..خدها ابن
الرفضي ...قال ايه مسك الميكرفون وبينده" الحبايه الزرقه دي بتاعه مين"
..بقت عيني هتنط مني ولساني مدلدل ....مش قادر ااقوله بتاعتي ...ابن
الجزمه حطها في جيبه.... ومشي..... يابخته ابن المنكوشه ..بات مبسوط....
وانا بايت مقهور .
....مددت يدي في جيبي لاناوله حبايه تانيه ...
قلت له.. ياراجل ودي حاجه تقهرك كده وتخليك متنكد .
/.قالي ما انت متعرفش . واللي ميعرفش بيقول عدس!!!..
/.البتاعه جت انهارده ..!!!!!!!!!!!!!!!!!!
..مكنش لازم اسأله لاني مقدرش اقفل بقي من الضحك ولا املك نفسي من الوقوع
علي الارض وظللت اضحك لغايه دلوقتي ....هههههههههههههه..