مكملين

لو تُرابها ينطق كان حِلِف ما نْخَطّى يوم عليه إلا اما تِرجع كرامته وكرامة اللى انْدَفنوا تحتيه وانا لمَّا زمان حلفت بيه والله ما كُنت كدَّاب وقُلت اللى اتْباع فيكى أنا بدمّى هشْتريه معرفش إيه اللى حَصَل ولا إيه اللى جَرَالى مع إنى عارف إن دايماً صوت الحق عالى طب ليه صُوت الحق بئى دِلوئتى واطى؟ ولاَّ يكون ولاد اللَّذينة خلُّونى من خُوفى اطاطى؟ ولاَّ هى الخِيانة اللى مَلهاش عندهم تَبرير غِير النَدالة والخِسة ومُوت الضمير طب بلاش دُمُوعِك يا غَالية والله هَنْكمّل وعَشِان تُرابك الغَالى حَالفين هنتْحمّل لحد مَا الحق يِرجَعْ يلِم احْبابُه ماالخُوف خلاص كِرِهْناه وقَفلنا بَابُه و اللّى قَال عنِك ادخلوها آمنين رَبّ حفيظ عليكى ليوم الدِين واللّى قال جُندك للأرض خير أجناد صادق أمين اصْطَفاه مِن بين العِباد شيلى الهَم ّعن جُفونك جُفونّا صَاحية وشعبك يا مصرحُر..ما ينحنيله يوم جبين
[Share/Bookmark]