عجيبه .... بقلم الشاعر حسن السكرى

عجيبه عجيبه يا بنت الكئيبه
يا بيضه وحمرة ورمز العروبه
وثورنا عشانك وجالنا رطوبه
وتوبك مقطع ومكرك أروبه
غرامك بيغلى فى دم الغلابه
وقلبى بيعشق ومغرم صبابه
ودموعك دوايا ويادى الغرابه
أحترت فى طبك وأدى الحكايه
حكايه عجيبه أحكوها معايا
رحت لأطبا أداوى الجراح
قالولى بنكايه تعالى ورح
أدفع وخلص وعقلك يسيح
وداخل بأملك وعندك طموح
تلاقى الأطباء يداووا الجروح
شايل فى همى وعايز أبوح
بلاقى الغلابه ريحيتهم تفوح
جروحهم بتزف وروحهم تروح
أطباء ملايكه قلوبهم صفيح
وعندك محاكمه يا أم الجريح
علاج مجانى وسرير مريح
حاجه تضحك ونكته بصحيح
قالولى مجرب قولت بصراخ
بقولها بأمانه دى خل وفسيخ
دى بينزف وأنزف وأدوخ
قالوا دى سهله شويه أنتفاخ
نزيفك دا عادى نتيجه شروخ
عد فى صوابعك كمان مرتين
وأستنى سريرك هنجبلك منين
يا علم بموت هستنى لفين
هنعملك أيه قدامك دستين
وهما الغلابه ملهمش اى عين
قولت بجرأة معايا فلوس
قالوا الف غرفه فيها تحوس
لقيت المعامله بكل أحترام
فلوسك يا باشا علينا تدوس
فلوسى دا أيه عالم تراب
ليكوا محاسبه يوم الحساب
أنتوا ملايكه أطباء عزاب
بفلوسنا تعيشوا وحيتنا هباب
اللأهى تجيكوا شوطه وخراب