الرجل و المراة بين ما كان و ماسيكون و ماهو كائن

بقلم إيمان حجازي
من خلال مناقشة هيستيرية عن أحوال الرجل و المرأة و تطوراتها منذ أيام سى السيد أحمد عبد الجواد و الست أمينة فى ثلاثية نجيب محفوظ وحتى الآن تم تمييز الزمن الى ثلاث مراحل
المرحلة الاولى :- و التى كانت السيطرة القصوى فيها للرجل و كان هو الآمر الناهى الذى كان صوت نحنحته فى بهو البيت يرعش و يخلخل ركب الست أمينة هى و من بالبيت كلهم ... يا حلاوتك يا سى السيد و النبى حمش و لا فيه منك ... صحيح برة البيت هلاس و فلاتى لكن جوات البيت أسد , غضنفر, عنتر
و يا محلاها الست أمينة بطشت المية جاياله تغسل رجليه وتدعيله و بالمبخرة ترقيه وبالمعوذتين تحصنه و تدعى ربنا يحميه
المرحلة التانية :- اللى إحنا فيها الآن أو ماآلت إليه الأحوال , المدام الدكتورة الباش مهندسة سيادة الوزيرة أو السفيرة أو أيا كانت وظيفتها و البيه الدكتور المهندس المحامى المستشار القاضى الطيار سيادة الوزير أو رئيس الوزراء أو رجل الاعماااااااال ,
و الحياة بشكل مختلف , الخروج و الإنفتاح و التضارب بين التحرر و التدين , و تغيير القوانير و تعديلها لملاءمة مجريات الأمور و مستحدثاتها , و بغير التفنيد و الدخول فى التفاصيل , لأنه مش مجال مع أو ضد ,
غير أنه أصبحت هذه هى الصورة الحالية ,
مساواة فى الحقوق و الواجبات , و التى معها أصبح تناول الطعام معظمه من المطاعم مع إنتشار ثقافة ال
Take away
كما أنه أصبحت وسائل الإتصال مثل النت و الموبايل هى الأكثر إستخداما فى التعامل فيما بين الزوج و الزوجة ,
و لم يعد للزوج تلك الرهبة , و لم تعد فرائص الزوجة ترتعد عند رؤية خياله و لا حتى كيانه كله , و بعد أن كانت الست أمينة تجيب سى السيد بنعمين يا سى السيد ربنا يخليك لينا ياسى السيد و مايحرمناش منك أبدا أصبحت المدام تلبى ب
yes baby
حقيقة المفارقة خطيرة من سى السيد الى
baby
و لكن هذه هى المساواة بين الرجل و المرأة فى مجتمعنا و الله تعالى أعلى و أعلم .... سامحنى ياااااااااااارب
المرحلة الثالثة :- دى بقى من وحى خيالى لتصور ما سيحدث بعد العشرة خمستاشر سنة
الجايين , وهى نتيجة لانتشار المرأة فى مجالات العمل المختلفة و إثبات كفاءتها و نجاحها التى بالضرورة إن شاء الله سوف تطغى على فرص الرجل فى الوجود أساسا ,
فقد تخيلت صورة لبيت فيه الرجل و المرأة و قد تبادلا المواقع تماما ....
فقد أصبحت ست السيد هى رجل البيت التى تذهب للعمل و تأتى فى وقت متأخر و زيادة فى الفانتزىا تخيلتها بشنب و كرش صارخ و ذقن غير حليقة ... مش هما الرجالة بيقرفونا بذقنهم غير الحليقة و كروشهم برضه ... و تلاقى الواحد فيهم عامل زى حرف بى كابيتال ....
و تخيلت الرجل سى أمينة و هو فى البيت بمنديل بأوية و جلابية بسفرة و نصف كم و باين بقى الأبيضات و اللظلظات و قاعد على طشت الغسيل أو ماجور العجين , و تخين كدة و إسطوانى , زى الستات ....
مش هما الستات لما بيتجوزو بياخذو شكل الاسطوانة , تلاقى الواحدة فيهم بعد غصن البان أصبحت بقدرة قادر الى صورة من أنبوبة البوتاجاز من الحجم العائلى
بحيث إنك تجد صعوبة لو حاولت تصف ست , فتلاقيك عايز هيئة الجولوجيا لأنها عبارة عن مرتفعات و مرتفعات و مرتفعات هضاب و جبال و تلال و لا يوجد سهول و لا وديان ,,, كله طالع طالع طالع و ربنا يعلى مراتبهم
بس المشكلة اللى لم أستطع تخيلها ... و لم أجد لها حل ...
هو الحمل و الولادة والرضاعة هتكون مسئولية مين ؟؟؟؟؟؟؟؟؟؟؟
ست السيد أم سى أمينة محتاااارة فى الموضوع ده ... وقف خيالى عند كدة ...
تفتكرو إنتو يكونو إزاااااااااااااااى !!!!!!!!!!؟؟؟؟؟؟؟؟