ذكريات ...... بقلم محمد مصطفى الهلالي

في توب الفرح اسمك
والعناوين
والحكاوي كلها
ملحقش قلبي يضمها
رجع حزين
فاكر عيون الضي فيها
شمسها ونجوم سماها
وقمرها وضيها
همسه خدود الليل
لمبسم عشقتها
وهواكي مكتوب ع الجبين
رمح ورماه رمشك لقلبي
صاب الحنايا وهزها
افرح يادوب
لونسمه فكري يهزها
وارجع من الذكري حزن
أنتي وأنا
زي الحنين والشوق
نعتب ونزعل
نفترق كما الحياري
هدهدي في البعد ذكري
وافتحي الشباك
يطل علي الحواري
قلبي كان بيحبها
ويحب ضلك
واللي فات من عمري
حتي لو في ضلك عشتو
يبقي ذكريات
عبرت لروحي من سماكي
خلي همس الصبح يلمس كفها
ترجع تونسها بحكاوي
تبتسم تصبح ربيع
في حر ليل الذكريات
يضمنا ونعيش ساعات
برد وسلام
وحاجات مخبيها ف خريفي
لجل قلبك والزمن.
يمكن تصبرني علي مر المحن .